Mahatama Jyotirav Phule (महात्मा ज्योतीराव फुले)-Vasant Desai Marathi Book katha-kadambari (Novel) Continetal

Mahatama Jyotirav Phule (महात्मा ज्योतीराव फुले)-Vasant Desai Marathi Book katha-kadambari (Novel) Continetal

दोन शब्द

महाराष्ट्रातील एका महापुरुषाच्या जीवनाची कथा मी मोठ्या आनंदाने वाचकांसमोर ठेवीत आहे.

सत्य, स्वातंत्र्य आणि समता यांची संस्थापना करून अखिल मानवाला जगतामध्ये प्रतिष्ठा प्राप्त करून देण्यासाठी महात्मा ज्योतिराव फुले यांनी जो अखंड संग्राम या भूमीवर मांडला आणि यशस्वी करून दाखविला, त्याची ही स्फूर्तिदायक कथा आहे. वाचक तिचे मोठ्या प्रेमाने स्वागत करतील याची खात्री आहे.

महात्मा ज्योतीराव फुले यांच्या जीवन-चरित्रावर आणि विचारसरणीवर या पूर्वी अनेक विद्वानांनी ग्रंथ-लेखन केलेले आहे. त्याचा मी उपयोग करून घेतलेला आहे. विशेषतः प्राचार्य मा. प. मंगुडकर, श्री. ए. के. घोरपडे, श्री. पं. सी. पाटील आणि श्री. धनंजय कीर यांच्या ग्रंथांची मला फार मदत झाली. त्यांच्या ऋणाचा कृतज्ञतापूर्वक उल्लेख करणे मी माझे कर्तव्य समजतो.

आज ही कथा इतक्या आकर्षक स्वरूपात प्रकाशित होत आहे ह्याचे सर्व श्रेय, कॉन्टिनेन्टल प्रकाशनचे श्री. अनंतराव कुलकर्णी यांना आहे. वेळोवेळी मार्गदर्शक सूचना करून त्यांनी मजकडून या कथेचे लेखन करवून घेतले. त्याचप्रमाणे माझे स्नेही, चित्रकार श्री. अनंत सालकर यांनी या पुस्तकाची सारी सजावट केली. प्रकाशक व चित्रकार या उभयतांचा मी आभारी आहे.

डॉक्टर चित्रा नाईक यांचा पुरस्कार या जीवनकथेला लाभला याचा मला फार अभिमान वाटतो. त्यांनी हे जे उत्तेजन दिले त्याबद्दल मी त्यांचा सदैव ऋणी राहीन.

गुरुवर्य पुरुषोत्तम गणेश सहस्रबुद्धे यांनी माझे आत्मिक जीवन फुलविले आहे. त्यांना माझी ही प्रथम कृती अर्पण करताना मला विशेष आनंद होत आहे.

सुभाषनगर, पुणे.

वसंत दत्ताराम देसाई

Available at Ksagar Book Centre  on www. ksagaronline.com

 call on 9545567862 /02024453065