Maharani Yesubai (महाराणी येसूबाई)-Meena Mirashi Marathi Book katha-kadambari (Novel)

Maharani Yesubai (महाराणी येसूबाई)-Meena Mirashi Marathi Book katha-kadambari (Novel)

इतिहासाचे अध्ययन करताना अनेक देश-विदेश, लढाया, तह, व्यक्ती यांचे दर्शन झाले. अनेक राजकीय, सांस्कृतिक, सामाजिक उलाढाली पाहण्यात आल्या. त्या निमित्ताने मराठ्यांच्या इतिहासातील महाराणी येसुबाई हिचा माझ्या मनावर उमटलेला ठसा मात्र कायम कोरला गेला. माझ्या लिखाणाची स्फूर्तिदेवता, महाराणी येसूबाई, हिच्या ऋणातून मी कधीच मुक्त होऊ शकणार नाही. हे माहीत असूनही या लिखाणाचा प्रपंच मांडित आहे. मी तिच्यावर काही मोठे संशोधन केले आहे असा माझा दावा नाही. परंतु अनेक संशोधकांनी, लेखकांनी अनेक ठिकाणी तिच्याबद्दल जे गौरवोद्गार काढले आहेत; त्यांचं मी फक्त संकलन केले आणि आपल्या मोडक्या तोडक्या शब्दांतून तिला श्रद्धांजली वाहिली आहे. बस्स एवढंच. या कामाला मनापासून आपलेपणाने माझ्या मागे प्रसिद्ध इतिहासकार ती. स्व. स. मा. गर्गे यांनी माझ्याकडून लागून हे लिहून घेतले. नाही तर हे काम माझ्याकडून झाले नसते. माझ्या मोठ्या वन्सं ती. आक्का (डॉ. शकुंतला मिराशी) यांनी वेळोवेळी प्रोत्साहन देऊन काम करायला लावलं. चि. माझा मुलगा चि. अनिल तर ह्या कामाकरिता कायम एका पायावर तयार असायचा. माझी मुलगी चि. सौ. माणिक पटवर्धन आणि जावई दिलीप हे कोणत्याही कामाकरिता सिद्ध असत. श्री. गोपाळराव पटवर्धन (पत्रकार) ह्यांची खूपच मदत झाली. माझ्या मैत्रिणी उषा हस्तक व सौ. कुंदबाला खांडेकर यांनीही अमोल साहाय्य केलं. कॉन्टिनेन्टलचे श्रीयुत अनिरुद्ध कुलकर्णी यांनी लिखाणात काही उणीव राहू नये म्हणून जातीने लक्ष घातले. तरुण इतिहासकार श्री. निनाद बेडेकर यांनी आम्हास उपयुक्त सूचना केल्या. या सगळ्यांच्या ऋणातून फक्त आभार मानून मी मुक्त होऊ इच्छित नाही. तर यांचा प्रेमळ ठेवा मला कायम मिळावा ही परमेश्वराजवळ प्रार्थना करते. या सगळ्यांनी मला बोलतं, लिहितं केलं म्हणून हे घडलं. बाकी इदं न मम !

मीना मिराशी

Available at Ksagar Book Centre  on www. ksagaronline.com

 call on 9545567862 /02024453065