Kharya Khurya Goshti (खऱ्या खुऱ्या गोष्टी)-Neela Satyanarayanan Marathi Book katha-kadambari (Novel) Continetal

Kharya Khurya Goshti (खऱ्या खुऱ्या गोष्टी)-Neela Satyanarayanan Marathi Book katha-kadambari (Novel) Continetal

प्रस्तावना :

लघुकथा लिहिण्याचा माझा पूर्वानुभव नाही. मनोरंजनासाठी कपोलकल्पित कथा लिहायला मला आवडत नाहीत. माझ्या आयुष्यात मी कैक माणसांना भेटले. प्रत्येक माणसाची एक कथा होती, त्याच्या आयुष्यावर एक कादंबरी लिहिण्यासारखी होती. माणसांच्या या जिवंत कथा मला भावतात. त्या जशाच्या तशा लिहिता येत नाहीत कारण ती माणसं आपल्या भोवती वावरत असतात. त्या माणसांची ओळख पटविण्याचा माझा मानस नाही. त्यांचं अस्तित्व आणि त्यांची कथा मला मोलाची वाटते. त्यामुळे मी खऱ्या-खुऱ्या गोष्टी लिहिल्या आहेत. साहजिकच बऱ्याच कथांमध्ये माझेही एक पात्र आहे. भलेही ते कुठली भूमिका बजावणारे नसेल परंतु एक साक्षीदार म्हणून मी या कथांमधून डोकावते.

या पुस्तकातल्या सगळ्या कथा सत्य घटनेवर आधारित आहेत. यातली सगळी पात्रे जिवंत आहेत. या सगळ्या घडलेल्या घटना आणि मला भेटलेल्या व्यक्ती आहेत. त्यांच्या कथांपासून वाचकांना जगण्याची एक नवी दृष्टी मिळेल असे मला वाटले म्हणून या कथा लिहिण्याचा मी प्रयास केला. तिसऱ्याची कथा म्हणून लिहायला नाही जमले कारण अनेक कथांमध्ये मीच एक पात्र होते, कथेतल्या प्रत्येक नायक अथवा नायिकेच्या जीवनाशी मी समरस झाले होते. म्हणूनच बहुतेक कथांची नावे त्यातल्या पात्रांवरून ठेवली आहेत.

या कथा आहेत मानवी जीवनातल्या नातेसंबंधांच्या, हळुवार भावनांच्या, दबलेल्या स्त्रीच्या हुंकारांच्या आणि परंपरांचे जोखड बाजूला सारून स्वतःचे अस्तित्व सिध्द करणाऱ्या काही स्त्रियांच्या. मी जे पाहिलं आणि अनुभवलं तेच मी शब्दांकित केलं.

लघुकथा लिहिण्याचा हा माझा पहिलाच प्रयत्न आहे. माझ्या वर्तमानपत्रातील स्तंभलेखनातल्या गोष्टी वाचकांना मनापासून आवडल्या. त्या गोष्टींचे एक पुस्तक व्हावे अशीही मागणी पुढे आली. त्या गोष्टींचे वेगळे संकलन मी वाचकांना सादर केलेच आहे आणि भविष्यातही करेन.

Available at Ksagar Book Centre  on www. ksagaronline.com

 call on 9545567862 /02024453065