Kavitetun Ganyakade (कवितेतून गाण्याकडे)-N. D. Mahanor Marathi Book katha-kadambari (Novel) Kavita Sangrah

Kavitetun Ganyakade (कवितेतून गाण्याकडे)-N. D. Mahanor Marathi Book katha-kadambari (Novel) Kavita Sangrah

साहित्यातले सगळेच साहित्यप्रकार महत्त्वाचे. परंतु कथा, कादंबरी, नाटक, ललित लेख पुन्हा पुन्हा वाचले जात नाही. क्वचित एखादे वेळी वाचले जातात. कवितेचं तसं नाही. कविता पुन्हा पुन्हा वाचायला आवडते. मलाच नाही, अनेकांना. ती कविता पुन्हा पुन्हा नीट वाचली, तर त्या कवितेतले अनेक पदर नव्यानं उलगडत जातात. अनेक अर्थांची वलय मनात तरंगत येतात. त्या कवितेच्या काही ओळी ओठांवर घट्ट रुतून बसतात, वेगळ्या अर्थानं ती कविता आणखी नवं रूप घेऊन आपल्या मनात घरटं बांधून येते. चांगली लयबद्ध कविता, गीत, गाणं अशी छंदोबद्ध कविता आयुष्यभर मनाला भुरळ पाडून ओठांवर रुंजी घालून असते. हे माझ्याच नाही अनेक रसिकांच्या संदर्भात मी पाहतो आहे. चांगली मुक्त कवितासुद्धा नीट वाचली गेली तर तीही कधीच विसरता येत नाही. कवितेचं चांगलं वाचन, छंदोबद्ध गीत संगीत हे वर्षानुवर्षे रसिकांच्या मनावर गारुड करून आहे. अत्यंत आनंदाच्या क्षणी आणि अतिशय विकल अशा दुःखाच्या कोलाहलात चांगली कविता तिच्या अर्थासकट आपल्याला आनंद देते. सांत्वना करते. आयुष्याला नवी उभारी, तजेला देत असते. माझ्या आयुष्याला असं हे कवितेचं असतेपण घट्ट बिलगून आहे. आयुष्यातल्या अनेक पडझडीत, कोलाहलात, दुःखात सर्वार्थाने कवितेनं मोठा आधार दिला. कविता आणि मी एकसंघ जगलो, जगतोय, शेतीत काबाडकष्ट करताना, आनंद सोहळ्याचा परमोच्च आनंद भोगतांना, कविता, कवितेचे शब्द, लय आणि तिच्यातला भाव मला चैतन्य देत गेला. माझ्याच नव्हे तर थेट कालिदास शालिवाहनाची ‘गाथा सत्तसई’ पासूनच्या कविता आणि आजवरच्या कोणत्याही कवीच्या चांगल्या कवितांनी माझं जीवन सुखावह केलं. लहानपणापासून लोकगीत, लोकसंगीत आणि लोकसंस्कृतीच्या गीतांनी -कवितांनी, संत कवींच्या कवितांनी मला घडविलं. कवितेचा शब्द नंतर येत गेला. तो कसा आला, कवितेत कसा झिरपत गेला, हे सांगणं तसं कठीण! तात्पर्य, कवितेइतकं श्रेष्ठ मला दुसरं काहीच वाटत नाही.

Available at Ksagar Book Centre  on www. ksagaronline.com

 call on 9545567862 /02024453065