Kaunteya (कौंतेय) V.V.Shirwadkar Marathi Book katha-kadambari (Novel) Continetal

Kaunteya (कौंतेय) V.V.Shirwadkar Marathi Book katha-kadambari (Novel) Continetal

पहिल्या आवृत्तीचे प्रास्ताविक

कर्णाचे जीवन हा महाभारतातील एक अत्यंत नाट्यानुकूल असा विषय आहे. मराठीमध्ये आतापर्यंत तीन-चार लहानमोठी नाटके कर्णाच्या चरित्रावर लिहिली गेली आहेत. आज त्यांत आणखी एका नाटकाची भर पडत आहे. नाटकाच्या दृष्टीने कोणताही नाट्यपूर्ण विषय कधी जुना होऊ शकत नाही. त्यातील नाट्यातच त्याचे चिरस्थायी नावीन्य भरलेले असते.

पहिल्या बाजीरावाप्रमाणेच कर्णाच्या चरित्रातील शोकान्त नाट्याचेही गाढ आकर्षण मला कित्येक वर्षांपासून वाटत आले आहे. त्या आकर्षणातूनच या नाटकाचा जन्म झाला आहे. हे नाटक म्हणजे समग्र ‘कर्णपर्व’ नव्हे. कर्ण आणि कुंती यांच्यातील संबंधाचे सूत्र घेऊन त्यावरतीच नाटकाची उभारणी करण्यात आली आहे.

माझ्या पूर्वीच्या नाटकांप्रमाणे हे नाटकही मुंबई येथील मराठी साहित्य संघाच्या नाट्यशाखेतर्फे रंगभूमीवर येत आहे. संघाने उभारलेल्या नाट्यगृहात होणाऱ्या पहिल्याच नाट्योत्सवात हे नाटक रंगभूमीवर येत आहे हे त्या नाटकाचे व लेखकाचेही मोठे भाग्य होय.

नाट्यशाखेच्या सर्वच कार्यकर्त्यांनी, विशेषतः डॉ. भालेराव व श्री. अंधृटकर यांनी प्रारंभापासून या नाटकासाठी अपरिमित श्रम घेतले आहेत. श्रीमती दुर्गाबाई खोटे यांनी दिग्दर्शनाची जबाबदारी स्वीकारून आपल्या अभिजात नाट्यकलेचा या नाटकास लाभ करून दिला आहे. या सर्वांचे आणि पहिल्या प्रयोगात भूमिका करणाऱ्या सर्व नटवर्गाचे मी हार्दिक आभार मानतो.

Available at Ksagar Book Centre  on www. ksagaronline.com

 call on 9545567862 /02024453065