Kalapudhhati Char Paule (काळाची पाऊले)-Bhave Savita Marathi Book katha-kadambari (Novel) Continetal

Kalapudhhati Char Paule (काळाची पाऊले)-Bhave Savita Marathi Book katha-kadambari (Novel) Continetal

१९७९ च्या प्रारंभी ‘कालापुढती चार पाउले’ प्रसिद्ध झाले. चरित्राच्या निमित्ताने शंतनुरावर्जीशी बऱ्याच वेळा गाठीभेटी झाल्या असल्या तरी तो परिचय तसा औपचारिकच होता. त्यावेळी मी मुंबईस होतो आणि केव्हातरी पुण्यास गेले म्हणजे कारणपरत्वे शंतनुरावांची भेट घडत असे तेवढीच. मात्र त्यावेळी त्यांचे अगत्य दिसून येई. सौ. यमूताईही अतिशय आपुलकीने वागत. १९८८ मध्ये मी पुन्हा पुण्यास येऊन स्थायिक झालो तेव्हा शंतनुरावांनी सांगून ठेवले की महिन्यातून एकदा तरी त्यांना भेटायचेच. वेळ ठरवून घ्यायची गरज नाही. सायंकाळी ते घरी आहेत ना एवढे त्यांच्या स्वीय सहाय्यकाकडून विचारून घ्यायचे. त्याप्रमाणे माझे लकाकिवर जाणे सुरू झाले आणि शंतनुरावांच्या निधनापर्यंत ते चालूच राहिले. कधी ते एकटे असत, कधी घरातली मंडळी तर कधी बाहेरचे लोक. पण कुणीही असले तरी त्यांच्या व्हरांड्यात किंवा हिरवळीवर खुर्ची टाकून बसायचे. नाना विषयांवर गप्पा होत. तासभर बसून परत यायचे. कधी ते ऑपेरा पाहायला थांबवून घेत तर कधी जेवायला. त्या पाच-सहा वर्षांत मी त्यांच्या खरा जवळ गेलो. त्यांच्या मायेचा अनुभव घेतला. त्यांच्याशी हक्काने वागू लागलो. ते सारे सांगायचे म्हटले तर स्वतंत्र ग्रंथ होईल इतक्या हकिकती आणि किस्से आहेत. त्यांच्या व्यक्तिमत्त्वाचा खरा परिचय मला त्या काळात घडत गेला. चरित्र प्रकाशित झाल्यानंतरचे त्यांच्या आयुष्यातील चढउतार ऐकायला, पहायला मिळाले. आणि ते सर्व समाविष्ट करून त्यांचे संपूर्ण चरित्र पुन्हा लिहून काढावे असे मनात येऊ लागले; जणू मी त्यांना नव्याने ओळखू लागलो होतो.

त्या संबंधात जेव्हा खुद्द बाबांशी बोललो त्यावर ते म्हणाले, ‘याबाबत नातवंडेही पुष्कळदा विचारीत असतात. तेव्हा आपण एकत्र गप्पा मारीत बसू. त्यांतून तुम्हाला लागेल ते घ्या.’ परंतु तो योग आला नाही. कारण काही महिन्यांतच त्यांचे असे आकस्मिकच देहावसान झाले. त्यानंतर त्यांच्याविषयी खूप काही लिहून आले. ते सारे मी संग्रही ठेवले होते आणि त्याच्या आधारे शंतनुरावांच्या जन्मशताब्दीच्या निमित्ताने त्यांचे हे समग्र चरित्र प्रकाशित करण्याचा योग येत आहे. पुण्याच्या सुप्रसिद्ध कॉन्टिनेंटल प्रकाशन संस्थेचे संस्थापक कै. अनंतराव कुलकर्णी यांनी ‘कालापुढती चार पाउले’ ची दुसरी

Available at Ksagar Book Centre  on www. ksagaronline.com

 call on 9545567862 /02024453065