Jivansetu (जीवनसेतु)-Setu Madhavrao Pagdi Marathi Book katha-kadambari (Novel) Continetal

Jivansetu (जीवनसेतु)-Setu Madhavrao Pagdi Marathi Book katha-kadambari (Novel) Continetal

प्रस्तावना

आत्मचरित्र लिहून काढावे किंवा नाही याबद्दल कित्येक दिवस माझ्या मनाची निश्चिती होत नव्हती. आमचे घराणे हे माझ्या लहानपणी कनिष्ठ मध्यम वर्गात मोडणारे होते. घरची सुबत्ता असली तरी माझे बालपण खेड्यापाड्यांत आणि तालुक्याच्या लहानशा गावात गेल्यामुळे आमच्या गरजाही कधी वाढल्या नव्हत्या.

पुणे, बनारस, अलाहाबाद इत्यादी ठिकाणी माझे शिक्षण झाले. नंतर मी सरकारी नोकरीत शिरलो. इतर मध्यमवर्गीयांप्रमाणेच माझे जीवन होते. शिक्षण, नोकरी, विवाह, मुलेबाळे, त्यांचे शिक्षण आणि मंगलकार्ये, ही सामान्यांच्या जीवनाची चाकोरी माझ्याही वाट्याला आली. आत्मचरित्र लिहिण्याइतके त्याला काही महत्त्व आहे असे मला वाटेना.

आत्मचरित्र वाङमयाचे वाचन हा एक माझा आवडता छंद आहे. इंग्रजी, मराठी, उर्दू आणि फार्सी या भाषांतून मी जवळजवळ शंभर आत्मचरित्रे वाचून काढली आहेत. इंग्रजीतून वाचलेल्या आत्मचरित्रांत हिटलर, चर्चिल, अँधनी ईडन, मॅक्मिलन, डफ कूपर, आयसेनहॉवर, अॅडीनार, दी गॉल, ओमर अॅडले, जनरल डीन, दूमन, जॉर्ज केनन इत्यादी मुत्सद्दी अगर सेनाधिकारी मंडळी, एच. जी. वेल्स, विल ड्यूरंट, चेस्टर्टन, मार्टिनेट, मार्क ट्वेन, सिमान दी बोवा, इल्या एहरनबर्ग, बाट्रांड रसेल, आंद्रे गीद, रूसो, इत्यादी साहित्यिक, भारतातील थोर पुरुषांतील महात्मा गांधी, स्वामी श्रद्धानंद, रवींद्रनाथ टागोर, राजेंद्रप्रसाद, जवाहरलाल नेहरू इत्यादींची आत्मचरित्रे माझ्या वाचनात आली. बाबरचे आत्मचरित्र आणि जहांगीरची दैनंदिनी हे ग्रंथ आत्मचरित्र वाङ्मयाचे उत्तम नमुने म्हणता येतील.

मराठी आत्मचरित्रांत मी जवळ जवळ चाळीस ग्रंथ वाचले. अण्णासाहेब कर्वे, लक्ष्मीबाई टिळक, रमाबाई रानडे, न. चिं. केळकर, वीर सावरकर, चिंतामणराव कोल्हटकर, आचार्य अत्रे अशी कितीतरी साहित्यिकांची आत्म-चरित्रे माझ्या नजरेखालून गेली आहेत.

Available at Ksagar Book Centre  on www. ksagaronline.com

 call on 9545567862 /02024453065