Jevha Manus Jaga Hoto (जेव्हा माणूस जागा होतो)-Godavari Parulekar (novel) Book katha-kadambari

प्रस्तावना तुम्हीच लिहिलेली बरी, असे मौज प्रकाशनाच्या श्री० श्री० पु० भागवतांनी अश्रृंमुळे कागद बाजूला करावे लागले. निवेदन लिहावयास घेतले की माझे प्रिय पती सांगितल्यापासून अनेक वेळा मी लिहावयास बसले. दर वेळी डोळ्यांतून ओघळणाऱ्या कॉ० शामराव यांच्या स्मृती दाटून येतात. अंतःकरणाला असहा वेदना होतात. हृदयातून कळा येतात. आसवे ओघळू लागतात. मला स्वतःला मी अपराधी आहे हे जाणवू लागते.

आम्ही उभयता नव्हेंबर १९६२ मध्ये बंदिवासात असताना माझे आदिवासींमध्ये केलेल्या कामासंबंधीचे काही अनुभव मी लिहावे म्हणून कॉ० शामराव आग्रह करू लागले. आपण काही लिहू शकू असा मला मुळीच विश्वास वाटत नव्हता. मी लेखिका तर नाहीच पण सर्वसाधारणपणे लिहिण्याचा मला कंटाळा असल्यामुळे असे काही लिहावयास प्रारंभ करण्याचा मला धीरच होत नव्हता. आपल्याला काय साधणार! सगळे श्रम फुकट जातील, असेच नेहमी वाटे. त्यामुळे काही ना काही सबब काढून मी हे काम पुढे ढकलीत गेले.

कॉ० शामरावांनी अगदी हट्टच धरला तेव्हा माझा अगदी नाइलाज झाल्यावर १९६४ साली “कडेकपारीतील वारल्यांचे जीवनदर्शन” व “आमची निवासस्थाने” ही दोन प्रकरणे मी लिहिली. शामरावांना ती पसंत पडली म्हणून मला मनापासून बरे वाटले. त्यानंतर मात्र लिहिण्याचे काम थांबले.

Available at Ksagar Book Centre or on www. ksagaronline.com

or call on 9545567862 /02024453065