Javalache (जवळचे)- Anil Awachat Marathi Book katha-kadambari (Novel) Samakaleen

Javalache (जवळचे)- Anil Awachat Marathi Book katha-kadambari (Novel) Samakaleen

मनोगत

▶ बाबाचं ‘जवळचे’ हे पुस्तक छापून येतंय, याचा खूप आनंद आहे. बाबाने एवढं विपुल लेखन करून ठेवलं आहे, की त्याला जाऊन दोन वर्षं होऊन गेली तरी अजूनही त्याची पुस्तकं येतच आहेत. ‘समकालीन प्रकाशना’चे सुहास कुलकर्णी आणि त्यांच्या सहकाऱ्यांचं मी मनापासून अभिनंदन करते. सुहासचं आणि बाबाचं इतकं सुंदर नातं होतं, की बस्स! बाबाच्या शेवटच्या काही वर्षांमध्ये बाबाचे लेख जपून ठेवणं, त्यांचं संकलन करणं, हे काम सुहासने आत्मीयतेने केलं. त्यातूनच मागच्या वर्षी ‘समकालीन’ने बाबाचं ‘अनवट’ पुस्तक काढलं, आणि आता हे ‘जवळचे’ !

पुस्तकाचं सुंदर मुखपृष्ठ करणारा माणूसही जवळचाच ! सुभाष अवचट, म्हणजेच आमचा सुभाषकाका. त्याचं आणि बाबाचं नातं अजबच होतं. दोघं एकमेकांबरोबर फार वेळ घालवताना कधी दिसायचे नाहीत; किंवा त्या पिढीत गळ्यात पडून प्रेम व्यक्त करायची पद्धतही नव्हती. ते बंधुप्रेम संयत होतं. दोघांच्याही भावना त्यांच्या त्यांच्या लिखाणांमधून, कलांमधून डोकावल्या. त्या दोन्ही भावांनी एकमेकांना गाढ रीतीने स्वीकारलं होतं. त्यामुळे या पुस्तकासाठी मुखपृष्ठ सुभाषकाकानेच करणं गरजेचं होतं, आणि त्याने ते उत्तम केलं.

अनिल अवचट आणि अनिता अवचट यांच्या मुली असण्यात आमचं काहीच कर्तृत्व नाही. पण त्यांच्या पोटी जन्माला येण्याचा आम्हाला मोठा आनंद मिळाला हे मात्र खरं. बाबा नुसता प्रसिद्ध लेखकच नव्हता, तर एक सहृदय माणूस होता, आणि एक फारच चांगला बाप होता. लहानपणापासून आई-बाबांच्या या ‘चांगले पालक’ असण्याचा आम्ही भरभरून आनंद घेतला. बाबा लेखक आहे हे आम्हाला हळूहळू कळू लागलं. आमच्या लहानपणी आई हॉस्पिटलमध्ये कामाला जायची आणि बाबा घरी आम्हाला सांभाळायचा. सांभाळायचा असं म्हणणंही चुकीचंच. कारण आम्ही तिघे मिळून खेळायचो, अभ्यास करायचो, पुस्तकं वाचायचो आणि अधून मधून बाबा लिहीतही बसायचा. कधी कधी बाबा आम्हाला त्याच्या व्हेस्पा स्कुटरवरून फिरायला घेऊन जायचा.

Available at Ksagar Book Centre  on www. ksagaronline.com

 call on 9545567862 /02024453065