Jait Re Jait (जैत रे जैत)-G.N. Dandekar Marathi Book katha-kadambari (Novel) Continetal

Jait Re Jait (जैत रे जैत)-G.N. Dandekar Marathi Book katha-kadambari (Novel) Continetal

शपथपूर्वक सांगतो, की कर्नाळ्यावरचा दीडशे फूट उंचीचा उभा टेंभा मी पाहिला आणि थक्कीत होऊन उभा राहिलो. अवघ्या सह्याद्रिमंडळात या जातीचा कडा नाही. मग दिसली त्या कड्याभोवती चहूबाजूंनी लोंबलेली भली प्रचंड पोळी आग्यामाश्यांची. त्या पोळ्यांचा मध कुणी काढू शकेल, यावर माझा विश्वास बसेना. पण मग बसला. ठाकरवाडीत ठाकरांशी गप्पा मारीत असता त्यांनी जे सांगितले, ते ऐकून आपण तर बुवा तोंडात बोट घातले ! अशा अवघड ठिकाणचा मधही ठाकरगडी काढतात ! धन्य त्यांची माय त्यांना प्रसवली.

मस्तकात वारे भिरभिरू लागले. गेल्या चारसहा वर्षात कर्नाळ्यावर चारपाचदा जाऊन आलो. अनेकदा तिथे रात्रीचा मुक्काम केला. खाली तळात वाघरू डुरकत होते. आगटीजवळ मी अन् नाग्या ठाकर शेकत होतो. शेकता शेकता नाग्याला गोष्ट सांगू लागलो. नाग्या असा काही हरिखला ! ती तर त्याच्या घरचीच गोष्ट होती !

नाग्या ठाकर हा माझ्या गोष्टीचा पहिला श्रोता. बरेच दिवस गोष्ट डोक्यात घुमत होती. मित्रोत्तम अनंतराव कुलकर्णी मजकडून लिहवून न घेते, तर कदाचित् आणखी चारदोन वर्षे कथा तशीच रेंगाळली असती.

– गो. नी. दां.

Available at Ksagar Book Centre  on www. ksagaronline.com

 call on 9545567862 /02024453065