Influence (इन्फ्ल्यूअन्स : मने जिंकणाचे मानसशास्त्र)-PhD Robert B. Cialdini Marathi Book katha-kadambari (Novel) Goyal

प्रस्तावना

मी इन्फ्लूअन्स लिहायला सुरू केली तेव्हा ते केवळ लोकप्रिय पुस्तके वाचणाऱ्या वाचकांसाठी लिहिलं होतं. त्यामुळे ते अजिबात पुस्तकी न वाटणाऱ्या सोप्या, संवादी भाषेत लिहिण्याचा प्रयत्न माझा होता. तसं करत असताना माझ्या मनात काहीशी भीती होती, हे मी इथे कबूल केले पाहिजे. शिक्षणक्षेत्रातील माझे सहकारी या पुस्तकाकडे ‘पॉप’ मानसशास्त्राचा एक प्रकार या दृष्टीनं बघतील की काय, अशी भीती मला वाटत होती. विद्वान कायदेतज्ज्ञ जेम्स बॉयल यांनी म्हटल्यानुसार “जोपर्यंत शिक्षणतज्ज्ञ तुमच्याबाबत ‘लोकप्रिय’ हा शब्द उच्चारत नाहीत तोपर्यंत तुमच्यावर खरीखुरी टीका झाली आहे असं म्हणता येणार नाही.” त्यामुळेच मला जरा चिंता वाटत होती. याच कारणामुळे इन्फ्लूअन्स लिहित असताना सुरुवातीला माझ्या बरोबरच्या बहुतेक सर्व सामाजिक मानसशास्त्रज्ञांना शिक्षणक्षेत्राशी संबंधित नसलेल्या प्रेक्षकांसाठी पुस्तक लिहिणं हे व्यावसायिकदृष्ट्या आतबट्ट्याचं ठरेल असं वाटत होतं. खरंच, जर सामाजिक मानसशास्त्र हा एखादा व्यवसाय असता तर काय झालं असतं? तर मग मोठमोठे संशोधन आणि विकास विभाग असलेला, पण कारखान्याबाहेर माल पाठवण्याचा विभागच नसलेला व्यवसाय म्हणून तो प्रसिद्ध झाला असता. आम्ही कोणताही माल कुठंही पाठवत नव्हतो. आम्ही केवळ एकमेकांना शैक्षणिक जर्नल्समधील लेख पाठवत असू. हे लेख क्षेत्राबाहेरच्या कोणी वाचणं तर सोडाच, पण साधे त्यांच्या नजरेला पडणंदेखील महाकठीण होतं.

सुदैवानं मी लोकप्रिय होईल अशा पद्धतीनंच लिहिण्याचं माझं घोडं पुढे दामटलं असलं, तरीही माझी कोणतीच त्याबाबतची भीती खरी ठरली नाही. पॉप मानसशास्त्राच्या आधारावर असल्याबद्दल इन्फ्लूअन्सला अवहेलना