Hrudayatun Hrudayankade-A. H. Salunkhe Marathi Book katha-kadambari (Novel) Lokayat (हृदयातून हृदयांकडे)

Hrudayatun Hrudayankade-A. H. Salunkhe Marathi Book katha-kadambari (Novel) Lokayat (हृदयातून हृदयांकडे)

मनोगत

‘हृदयातून हृदयांकडे’ हा माझ्या काही भाषणांचा संग्रह आपल्या हाती देताना मला आनंद होत आहे. यापूर्वी ‘संवाद सहृदय श्रोत्यांशी’ आणि ‘अंधाराचे बुरुज ढासळतील’ हे माझ्या भाषणांचे संग्रह प्रकाशित झाले आहेत. तसेच, ‘ना गुलाम, ना उद्दाम’ या पुस्तकातही माझी काही भाषणं समाविष्ट करण्यात आली आहेत. ही पुस्तकं प्रकाशित झाल्यानंतर मी वेगवेगळ्या कार्यक्रमांत केलेल्या भाषणांपैकी काही निवडक भाषणं प्रस्तुत संग्रहाच्या माध्यमातून आपल्याला सादर केली जात आहेत. या संग्रहात अपवाद म्हणून माझी मराठी भाषेविषयीची काही मतं नोंदविणाऱ्या मुलाखतीच्या स्वरूपातील एक लेखही अंतर्भूत केला आहे.

परशुरामावरील विवेचनाविषयी इथं आवर्जून अधिक लिहिणं आवश्यक आहे.

नुकतंच चिपळूण इथं अखिल भारतीय मराठी साहित्य संमेलन झालं. त्या संमेलनाच्या निमंत्रणपत्रिकेवर परशुरामाचं चित्र छापण्यात आलं होतं, ही गोष्ट आता प्रसिद्ध झाली आहेच. पत्रिकेवरील या चित्राच्या समर्थनासाठी परमानंदाच्या ‘शिवभारत’ या ग्रंथातील एका उल्लेखाचा आधार घेण्यात आला, हेही प्रसिद्ध झालं आहे. वस्तुतः असा आधार घेण्याचा प्रयत्न हा समाजाची दिशाभूल करणारा आहे, हे स्पष्ट करण्यासाठी मला हा लेख लिहावा लागला होता. हा विषय सांस्कृतिक दृष्ट्या महत्त्वाचा असल्यामुळं हा लेख या पुस्तकात समाविष्ट करण्यात आला आहे. त्याबरोबरच, दशावतारांचा परिचय करून देणाऱ्या शिल्पांच्या चित्रांतील परशुरामाचं एक चित्र मी या लेखामधे आवर्जून दिलं आहे. मी स्वतः नुकताच हिमाचल प्रदेशातील कांगडा जिल्ह्यामधील ‘धर्मशाळा’ या शहरात होतो. मी तेथील ‘कांगडा कला वस्तुसंग्रहालया’ला भेट दिली, तेव्हा हे चित्र पाहिलं आहे. हे चित्र पाहताना परशुरामाचं क्रौर्य स्पष्टपणे नजरेला पडतं आणि मन व्याकूळ होतं. परशुरामानं ज्या स्त्रीचे केस हातानं पकडले आहेत, ती स्त्री स्वतः रेणुका असू शकते वा त्यानं ज्या इतर स्त्रियांच्या हत्या केल्या, त्या स्त्रियांचं प्रातिनिधिक चित्र, असंही त्याचं स्वरूप असू शकतं.

Available at Ksagar Book Centre  on www. ksagaronline.com

 call on 9545567862 /02024453065