Hindutva Bharatiy Rashtravadacha Muladhar- B. L. Vashta Marathi Book katha-kadambari (Novel) Continetal

Hindutva Bharatiy Rashtravadacha Muladhar- B. L. Vashta Marathi Book katha-kadambari (Novel) Continetal

प्रस्तावना

‘हिंदुत्व : भारतीय राष्ट्रवादाचा मूलाधार’ या शीर्षकाच्या लेखसंग्रहाला प्रस्तावना लिहिताना माझ्या मनात विविध विचारांचे गहिरे तरंग उमटत आहेत. श्री. ब. ल. वष्ट यांनी मोठ्या निष्ठेने ‘हिंदुत्व’ विषयावर अत्यंत प्रेरणादायी असे लेखन केले आहे व या लेखनामुळे सन १९३७ ते १९९७ अशी साठ वर्षे किती प्रतिकूल वायुमंडलात ब. ल. वष्टांच्या पिढीने कसदार सार्वजनिक कार्य केले असेल या विचाराने मन सद्गदित होते. दुसरे म्हणजे या मंडळींच्या निरपेक्ष कष्टांमुळेच सन २०१७ मध्ये राजकारणाचे हिंदुकरण झाले आहे हे जाणवते; मनात कृतज्ञतेचा भाव पैदा होतो. तिसरे म्हणजे हिंदुत्व विचाराची मंडळी आता सत्ताधीश बनली आहेत; त्यांनी आणि आपल्यासारख्या त्यांच्या हितचिंतकांनीही वष्टांच्या पिढीचे परिश्रम सदैव डोळ्यांसमोर ठेवावेत आणि उचित विधिनिषेधांचे सदैव पालन करावे हा अभिप्रायही मनात घर करतो.

श्रीयुत ब. ल. वष्ट यांनी लिहिलेले ‘हिंदुत्व संघ आणि सावरकर’ हे अन्य पुस्तक वाचले तर सहजपणे कळते की वष्ट यांच्या साहित्यनिर्मितीचा उपक्रम आणि उपसंहार सावरकरांच्या स्मरणाने प्रेरित झाला आहे. उदाहरणार्थ, या पुस्तकाच्या पान क्र १२७ वर “माझी स्वातंत्र्यवीरांची भेट झाली व त्यांच्या आशीर्वादाने मी धन्य झालो”, असा आशय वाचण्यास मिळतो, तर पान क्र. १७६ व १७७ वर वष्टांचे चिरंजीव जयंतराव वाचकांना सांगतात की सुधीर फडक्यांनी वीर सावरकर चित्रपट तयार केला तेव्हा विचार केला की कुणाही प्रेक्षकाला हा चित्रपट पाहाण्यासाठी चित्रपटगृहात पाऊल टाकल्यावर सावरकर चरित्र वाचण्यास मिळावे व ते चरित्र ब. ल. वष्टांकडून शब्दबद्ध व्हावे. वष्ट महोदयांनी चरित्रलेखनास सुरुवातही केली; पण दुसरे प्रकरण काही कागदावर उतरले नाही, कारण लेखकाने जगाचा निरोप घेतला. उपक्रमापासून ते उपसंहारापर्यंत सातत्याने अभ्यास झाला तो हिंदुत्व विचाराचा. अभ्यास आणि ध्यास हे समानार्थी शब्द आहेत. संघकार्यातून हा ध्यास प्रकटला, कारण

Available at Ksagar Book Centre  on www. ksagaronline.com

 call on 9545567862 /02024453065