Golaberij (गोळाबेरीज)-P.L.Deshpande Marathi Book katha-kadambari (Novel)

Golaberij (गोळाबेरीज)-P.L.Deshpande Marathi Book katha-kadambari (Novel)

विनोदाचे दोन प्रकार आहेत. एका प्रकारामुळे आपल्याला हसू येते व दुसन्या प्रकारामुळे हसू येत नाही. प्रस्तुत संग्रहात दोन्ही प्रकारचे विनोद भरपूर सापडतील.

आता ज्या प्रकारामुळे हसू येते तो अर्थातच चांगला प्रकार व ज्यामुळे हसू येत नाही तो वाईट प्रकार हे उघडच आहे. हे उपड असूनसुद्धा लेखक असला विनोद का करतो हा मूलभूत प्रश्न आहे. ह्याला उदाहरण क्रिकेटचे, बोलर बोलिंग टाकीत असतो, परंतु प्रत्येक बॉलला गडी आउट होतोच असे नाही. तसे होते तर दुसऱ्या ओव्हरचे चार बॉल्स पडल्यावर एक बाजू आटपली असती. तद्वतच प्रत्येक बॉलला रनदेखील निघत नाही. तसे झाले असते तर स्कोअररची बोटे वळली असती. विनोद व हशा यांचे प्रमाण असे आहे, म्हणूनच विनोदी लेखक काही पाच-पंचवीस पाने भरू शकतो. एरवी त्याचे प्राण कंठाशी आले असते.

विनोद हा कारुण्यावर आधारला असल्यास उत्तम असे अनेक विद्वानांचे मत आहे. विद्वानांचे विनोदाशी प्रमाण हा वादग्रस्त मुद्दा असला तरी त्यांचे हे मत बरोबर आहे. कारण विनोद जमला तर हसून हसून डोळ्याला पाणी येते आणि फसला तर विनोद करणाऱ्याचा चेहरा उतरतो. फसलेल्या विनोदाने प्रस्तुत लेखकाचा चेहरा कसा दिसतो, याचे छायाचित्र जोडावे असा सल्ला देण्यात आला होता, परंतु तो योग जमवता आला नाही. या पुस्तकातील ‘वाइड बॉल्स’ सारखी गेलेली वाक्ये वाचताना कल्पनेने एक रडवा चेहरा डोळ्यांपुढे आणून वाचकांनी समाधान मानून घ्यावे.

Available at Ksagar Book Centre  on www. ksagaronline.com

 call on 9545567862 /02024453065