Gidhade (गिधाडे)-Vijay Tendulkar Marathi Book katha-kadambari (Novel)

Gidhade (गिधाडे)-Vijay Tendulkar Marathi Book katha-kadambari (Novel)

सुमारे दहा वर्षे हे नाटक माझ्या घरची धूळ खात फाटत तुटत होते. त्याचा जीर्णोद्धार प्रथम केला सई परांजपे यांनी. दिल्लीच्या हिंदी रंगमंचावर तेथील ‘यात्रिक’ या संस्थेतर्फे या नाटकाचे प्रयोग त्यांनी जिद्दीने केले. त्यानंतर डॉ. श्रीराम लागू यांनी ‘थिएटर युनिट’ या मुंबईच्या नाट्यसंस्थेतर्फे हे नाटक मराठी रंगभूमीवर आणले.

मोजक्या प्रयोगांसाठी केवळ एक ‘धाडस’ म्हणून उभे केलेले हे नाटक गेले वर्षभर नियमितपणे चालू आहे याचे श्रेय डॉ. श्रीराम लागू व त्यांचे सहकारी कलावंत यांनाच आहे.

या नाटकाला प्रेक्षकांची गर्दी होत असतानाच या नाटकाविषयी टीकेचे वादळही एकीकडे चालू आहे. या दोहोंचा एक उत्सुक प्रेक्षक व श्रोता या पलीकडे यात मी अन्य भूमिका घेऊ शकत नाही, कारण मध्यंतरीच्या दहा वर्षांत या नाटकाचे-माझे काही नाते उरले आहे, असे मला वाटत नाही. यात एखादी भूमिका घेणे मी बुद्धिपुरस्सर टाळतो असे कृपा करून कोणी समजू नये; नाटककार म्हणून मिळणारी सर्व दूषणे व श्रेये यांचा धनी, नेहमीप्रमाणे, मी आहेच.

Available at Ksagar Book Centre  on www. ksagaronline.com

 call on 9545567862 /02024453065