Gautam Budhhanche Charitra (गौतम बुद्धांचे चरित्र)- K.A.Keluskar Marathi Book katha-kadambari (Novel) New Era

Gautam Budhhanche Charitra (गौतम बुद्धांचे चरित्र)- K.A.Keluskar Marathi Book katha-kadambari (Novel) New Era

प्रस्तावना

‘बुद्ध चरित्र’ हा चरित्रात्मक ग्रंथ वाचल्यावर मी गौतम बुद्धाचे चरित्र लिहावयास घेतले. ह्या महापुरुषाचे चरित्र लिहावयाची प्रवृत्ती मला माझे मित्र विनायक दादाजी यांच्यामुळे झाली. यांच्यापाशी रोमेशचंद्र दत्त यांनी लिहिलेला ‘एन्शन्ट सिव्हिलायझेशन ऑफ इंडिया’ ह्या नावाचा एक ग्रंथ होता. त्यातून त्यांनी मला बुद्धाच्या गृहत्यागाची चित्रवेधक गोष्ट वाचून दाखवली, ती मला अतिशय आवडली आणि त्या सत्पुरुषाचे साद्यंत चरित्र वाचण्याची प्रबळ इच्छा झाली. त्यांच्याकडून हे पुस्तक नेऊन बुद्धासंबंधाचा सगळा वृत्तांत मी वाचला. तो मला इतका चित्तवेधक वाटला, की त्याचे मराठी रूपांतर करण्याचे मी योजिले. पुढे आध्यात्मिक ‘मानरत्नावली’ मासिक पुस्तक मला चालवावयास देऊन गीतेवर टीका लिहावयास दिली आणि त्याबरोबरच साधू पुरुषांची चरित्रे लिहावयास सांगितली.

त्या मासिकात तुकाराम बाबांचे चरित्र लिहिण्याचे संपल्यावर गौतम बुद्धांचे चरित्र लिहिण्याचे मनात आणून त्यावर प्रसिद्ध झालेले काही ग्रंथ मी वाचून काढले आणि त्यांच्या आधाराने मी त्या महापुरुषाचे चरित्र लिहिले. त्या चरित्रासाठी एकंदर १८ पुस्तकांचा आधार मी घेतला. ही पुस्तके मी ‘रॉयल एशियाटिक लायब्ररी ‘तून मिळवली.

जसजसा मी या सत्पुरुषासंबंधी वाचित गेलो तसतसा त्यांच्याविषयीचा पूज्यभाव माझ्या ठायी वाढत गेला आणि त्याचे चरित्र मी अत्यंत प्रेमाने लिहिले. त्यामुळे त्याची भाषा व रचना माझ्या मते अतिसुंदर झाली. एवढ्या आवडीने व प्रेमाने मी दुसरा कोणताही ग्रंथ लिहिला नाही. तो मासिक पुस्तकात खंडशः द्यावयाचा असून अंक वेळेवर निघावयाचा असल्यामुळे लिहिलेला मजकूर छापखान्यात पाठविण्यापूर्वी तपासण्याला अवधी नव्हता, तरी तो माझ्या मते चांगला उतरला आहे आणि पुढे वर्तमानपत्रकारांनी आणि परीक्षकांनी त्यावर चांगले अभिप्राय दिले. ते पुस्तक दक्षिणाप्राइज कमिटीकडे पाठविले असता त्या मंडळींनी ते ‘फारच चांगले आहे’ असे सर्वांनुमते ठरवून त्याला सर्वांत मोठे बक्षीस दिले.

Available at Ksagar Book Centre  on www. ksagaronline.com

 call on 9545567862 /02024453065