Garambicha Bapu (गारंबीचा बापू)-Shri.Na.PendaseMarathi Book katha-kadambari (Novel) Continental

Garambicha Bapu (गारंबीचा बापू)-Shri.Na.Pendase Marathi Book katha-kadambari (Novel)

माझ्या मागील दोन कादंबऱ्यांप्रमाणं ही कादंबरीसुद्धा हर्णे बंदराच्या परिसरातच वाढली आहे. हा प्रदेश आता माझ्या वाचकांच्या परिचयाचा झालेला आहे. तेथील रम्य स्थळांची मी केलेली वर्णनं अनेक वाचकांना आवडलेली आहेत; पण या प्रशंसेत एका मर्यादपलिकडे मला कधीच आकर्षण वाटलं नाही. स्थळवर्णनांमुळे कादंबरीच्या मोठेपणात जी काय भर पडत असेल ती फारच मर्यादित स्वरूपाची असते.

अर्थात काहीतरी टूम म्हणून हा प्रदेश मी निवडलेला नाही. किंबहुना, ‘निवड’ हा शब्दसुद्धा अप्रस्तुत वाटावा इतक्या अहेतुकतेनं तो माझ्या आजवरच्या लेखनात आलेला आहे. हर्णे, मुरूड, आंजर्ले, मुर्डी ही बंदरपट्ट्यांची गावं आणि वरती दापोली या तिकोणावर मी हाडामांसाच्या माणसासारखं प्रेम केलं आहे. हरेश्वर बंदर सुटल्यानंतर काही वेळानं हर्णे बंदरातला शुभ्र दीपस्तंभ दिसू लागतो. त्याच्या पहिल्या दर्शनानं लहानपणी माझं मन असं उचंबळून येई अगदी तसंच दोन वर्षांपूर्वी मी कोकणात गेलो होतो तेव्हाही आलं. वाढत्या वयानं आपल्या मनाला ‘शिष्ट’ बनविलं नाही म्हणून केवढं समाधान त्यावेळी मला वाटलं ! वस्तुतः पाहाता कोकण सोडून मला पंचवीस वर्षं झाली. हल्ली तर दोनचार वर्षांनी केव्हा तरी जातो. तेथल्या जगाशी मला समरस होता येत नाही म्हणून खंत वाटते; पण कोकणच्या पाण्यामातीनं अकराव्या वर्षांपर्यंत माझ्यावर केलेले संस्कारच एवढे जबरदस्त आहेत की …

स्थलवर्णनांच्या मोहाला बळी पडून आपण कलेच्या नाजूक प्रकृतीला अपाय तर करीत नाही ना, अशी शंकासुद्धा ‘एल्गार’, ‘हद्दपार’ लिहिताना मला आली नाही. त्यानंतर मात्र या शंकेकडे माझं लक्ष वेधलं. त्याची प्रतिक्रिया प्रस्तुत कादंबरीत दिसल्याशिवाय राहाणार नाही.

कादंबरीतील सर्व व्यक्ती, प्रसंग माझ्या कल्पनेतील आहेत.

या कादंबरीचं लेखन अथपासून इतीपर्यंत एक प्रकारच्या बेहोषीत झालेलं आहे. याच बेहोषीचा अल्पसा प्रत्यय वाचकांना आला तर मला समाधान वाटेल.

Available at Ksagar Book Centre  on www. ksagaronline.com

 call on 9545567862 /02024453065