Gandhi : Antim Parva (गांधी : अंतीम पर्व)-Ratnakar Matkari Marathi Book katha-kadambari (Novel)

Gandhi : Antim Parva (गांधी : अंतीम पर्व)-Ratnakar Matkari Marathi Book katha-kadambari (Novel)

‘गांधी : अंतिम पर्व’ हे नाटक माझ्याकडून लिहून घेण्याचे संपूर्ण श्रेय, वर्ध्याच्या ‘सेवाग्राम’चे एक ज्येष्ठ कार्यकर्ते श्री. रवींद्र रुक्मिणी पंढरीनाथ यांना जाते. दोन वर्षांपूर्वी – माझ्याकडे आले, तेव्हा ते, गांधीजींविषयी जाणूनबुजून केला जाणारा अपप्रचार, पसरवला जाणारा द्वेष आणि त्याला नकळत बळी पडणारी समाजमाध्यमग्रस्त तरुण पिढी, यांविषयी अत्यंत व्यथित होते. गांधीजींच्या संदर्भातील सत्य समाजापुढे आणण्यासाठी मी नाटक लिहावे, असे त्यांनी सुचवले. त्यासाठी लागणारे भरपूर साहित्य त्यांनी पुरवले. ‘युनिक फीचर्स’चे सुहास कुलकर्णी यांनीदेखील बरेच साहित्य पाठवून दिले.

मी नाटक लिहिण्याचे तर कबूल केलेच; पण या निमित्ताने वाला ‘गांधी थिएटर युनिट’ची स्थापना करावी व मराठी, हिंदी, गुजराती अशा तीनही भाषांमधून पूर्ण लांबीची नाटके, एकांकिका, पथनाट्ये, इत्यादी वरचेवर सादर करून गांधीविचारांचा प्रसार करावा, असे सुचवले. या संस्थेतर्फेच, मराठी व गुजराती अशा दोन्ही भाषांमधून, रंगभूमीवर येणारे पहिले नाटक ‘गांधी अंतिम पर्व’ हे असावे, असेही सुचविले. मात्र सेवाग्राममधील अनेक वैचारिक कार्यक्रमांमधून, तिथल्या, रंगभूमीविषयक काहीशा अनभिज्ञ कार्यकर्त्यांना हे कितपत जमते, हे काळच ठरवील. माझ्याकडून होण्यासारखे होते ते, म्हणजे गांधीविषयक हाती आलेल्या सर्व साहित्याचा अभ्यास करून, नाटक लिहिणे; जे मी वर्षभरात पुरे केले.

Available at Ksagar Book Centre  on www. ksagaronline.com

 call on 9545567862 /02024453065