Ganaryache Por (गाणार्‍याचे पोर)-Raghwendra Bhimsen Joshi Marathi Book katha-kadambari (Novel) Shabd

Ganaryache Por (गाणार्‍याचे पोर)-Raghwendra Bhimsen Joshi Marathi Book katha-kadambari (Novel) Shabd

‘भी ‘मसेन जोशी, माझे पिता.’ एवढ्या परिचयानंही समोरच्या माणसाची नजर बदलते व त्याच्या व्या डोळ्यांत मल मला ‘स्वरभास्कर भीमण्णा’ दिसून जातात.

एवढ्या महान व्यक्तीच्या पोटी जन्म घेऊन सुरेल संवेदनेनं जगणं, ही एक पूर्वपुण्याईच. भीमण्णांच्या महानपणाबद्दल अनेकांनी लिहिलं आहे. ते महानपण शब्दांतून शोधण्यापेक्षा त्यांच्या स्वरातून अनुभवणंच योग्य! ‘सामान्य’ व ‘असामान्य भीमसेन’ दोघांना आयुष्यभर मी पाहिलं आहे, स्पर्शिलं आहे, पूजलं आहे! माणूस म्हणून पाहताना मला ते त्यांच्या सुरांइतकेच भावले. सर्व स्वच्छ निर्मळ आपल्या हातून झालेल्या प्रत्येक गोष्टीची जबाबदारी घेत काही असाहाय्य वेदना फक्त गाताना व्यक्त करत.

दोन मनं जेव्हा सर्व भावनांनी पूर्ण जुळलेली असतात, तेव्हा एकही शब्द न बोलता ‘संवाद’ होत राहतो. तानपुरे दोन असूनही सुरात आल्यावर एकच वाटू लागतात ! भीमण्णांशी माझं नातं कायम असंच राहिलं. त्यांच्या सुरातूनच मला सर्व काही मिळत होतं, कळत होतं. ‘अतिपितृभक्ती’चा शिक्काही माथी बसला!

महान कलावंताच्या सावलीत काही जण कोणाला कधीच दिसत नाहीत. ते मात्र विगेतल्या अंधारातून सर्व वेळ त्यांना पाहत असतात. सगळं भोगत असतात. त्यांचंही जगणं सुरूच असते. ते कायम ‘साक्षी’ असतात…

“असामान्य’ काय ते ओळखण्याएवढं ‘सामान्यपण’ माझ्यात आलं, यातच मी आनंदी आहे. खूप छान झोप होऊन अचानक पहाटे जाग येते व रजईचा तंबू करून त्या अंधारात मन आयुष्याचा भूतकाळ गोंजारू लागतं. आयुष्यात होऊन गेलेले सर्व प्रसंग पात्रांसकट ‘रोटेक’ घेतात व आपल्यातच दडलेल्या ‘कॅमेरा-साऊंड’ आणि ‘निर्मात्या’च्या अथांग कल्पकतेचं कौतुक वाटतं.

Available at Ksagar Book Centre  on www. ksagaronline.com

 call on 9545567862 /02024453065