Ek Bhakar Tin Chuli (एक भाकर तीन चुली)-Deva Zinjad Marathi Book katha-kadambari (Novel) New Era

Ek Bhakar Tin Chuli (एक भाकर तीन चुली)-Deva Zinjad Marathi Book katha-kadambari (Novel) New Era

उत्तम कवी व हळवा माणूस म्हणून मी देवा झिंजाड यांना बरीच वर्ष ओळखतो. त्यांचा ‘सगळं उलथवून टाकलं पाहिजे’ हा कवितासंग्रह अनेक पुरस्कारांनी सन्मानित झाला आहे आणि रसिकांच्या पसंतीस उतरला आहे. आता ते ‘एक भाकर तीन चुली’ हो कादंबरी घेऊन कादंबरीकार म्हणून वाचकांसमोर येत आहेत. कादंबरीच्या शीर्षकावरूनच लक्षात येते, की गाव-खेडयातील शेतकरी व शेतमजूर स्त्रियांच्या वाट्याला आलेले बेसुमार कष्ट आणि त्यांची हिंमत हाच या कादंबरीचा गाभा आहे.

खेडोपाडी वसलेल्या, शेतीमातीत रावणाऱ्या बहुजन समाजातील स्क्र्यािच्या वाट्याला आलेले अतोनात कष्ट, रूढी, परंपरा, जातपात यांचे ओझे, भावकी व त्यातून निर्माण झालेले तंटे, खोट्या प्रतिष्ठा या सगळ्यांमध्ये ग्रामीण वो पिचून जाते. असे असूनही सगळ्या संकटांतून धीराने मार्ग काढणाऱ्या, जातिपातीचे, रूढीपरंपरांचे ओझे कधी सांभाळत, कधी फेकून देत समाजव्यवस्थेशी आणि गरिबीशी वाघिणीसारख्या लढणाऱ्या अनेक खंबीर स्त्रियांनी कष्टाने उभारलेले संसार लेखकाने जवळून पाहिले व अनुभवलेही आहेत.

अशीच एक खंबीर स्वी या कादंबरीची नायिका आहे. तिची व्यथा, तिची वेदना, तिचा संघर्ष, तिची पराकोटीची जिद्द वाचकांपर्यंत पोहोचवण्यात लेखक म्हणून देवा झिंजाड यशस्वी झाले आहेत, असे मला वाटते.

देवा झिंजाड यांनी आज प्रतिभावंत कवी, लेखक म्हणून तसेच ‘झी मराठी’वरील ‘हास्यसम्राट’चे यशस्वी स्पर्धक म्हणून नाव कमावले आहे; परंतु त्यांना हे यश सहज मिळालेले नाही, हे लक्षात घ्यायला हवे. त्यांच्या आईन व त्यांनी अनेक अडचणींचा सामना केला. अत्यंत प्रतिकूल परिस्थितीवर धैयनि मात करत देवा यांनी शिक्षण पूर्ण केले. त्यामुळेच संघर्षाला घाबरून जीवनापासून पळ काढण्यापेक्षा हिंमतीने त्यातून मार्ग काढा व शिक्षणाची आस सोडू नका, हे ग्रामीण भागातील मुलांनी देवा झिंजाड यांच्याकडून मुद्दाम शिकण्यासारखे आहे. विशेष म्हणजे या संघर्षात कुठेही त्यांनी त्यांची संवेदनशीलता बोघट होऊ दिली नाही वा मनात, शब्दांत कडवटपणा येऊ दिला नाही. त्यांच्या आईने व त्यांनी जीवनाचा प्रवास खंबीरपणे यशस्वी करून दाखवला. त्यांच्या लेखनाचा प्रेरणास्त्रोत त्यांच्या आईच आहेत, हे त्यांनी वारंवार त्यांच्या काव्यातून व त्यांच्या मुलाखतींतून व्यक्त केले आहे.

कवितेप्रमाणेच देवा झिंजाड यांच्या ‘एक भाकर तीन चुली’ या कादंबरीला वाचक नक्कीच स्वीकारतील, याची मला खात्री आहे. देवा झिंजाड यांच्या लेखनाला तसेच त्यांच्या वैयक्तिक जीवनाला माझ्या अंतःकरणपूर्वक सदिच्छा आहेत.

Available at Ksagar Book Centre  on www. ksagaronline.com

 call on 9545567862 /02024453065