Durgu Ajichya Goshti (दुर्गु आजीच्या गोष्टी)-Bhagavat Durga Marathi Book katha-kadambari (Novel) Shabd

Durgu Ajichya Goshti (दुर्गु आजीच्या गोष्टी)-Bhagavat Durga Marathi Book katha-kadambari (Novel) Shabd

प्रस्तावना

पिय बाल मित्रमैत्रिणींनो,

‘गोष्ट सांगेन’ असं कुणी म्हटलं की, आपण सगळेच सरसावून बसतो, कारण गोष्टी ऐकायला, वाचायला आणि सांगायलाही आपण सर्वांनाच आवडतात. त्यातही आजीची गोष्ट असली तर मग आणखीच मजा येते. हो ना? गोष्ट छोटी असो, मोठी असो, जुन्या काळची असो की आत्ताची, आपण उत्सुकतेनं ऐकतो. बिरबलाच्या चातुर्यकथा, इसापच्या कथा, तेनालीरामच्या गोष्टी, परीराज्यातील गोष्टी अशा वेगवेगळ्या प्रकारच्या कथा तुम्ही आजवर वाचल्या, ऐकल्या असतीलच. कधी त्या कथांमधून दिसणाऱ्या अद्भुत विश्वात तुम्हाला सफर करावीशी वाटली असेल आणि कधी त्यातल्या माणसांची होणारी फजिती पाहून तुम्ही पोट धरधरून हसला असाल.

अशाच काही गोष्टींचा खजिना आम्ही तुमच्यासाठी आणलाय. या गोष्टी सांगितल्या आहेत दुर्गुआजीनं म्हणजे दुर्गाबाई भागवत यांनी! दुर्गा भागवत या मराठीतील सुप्रसिद्ध ललितलेखिका होत्या. शिवाय आपली संस्कृती, भारतीय साहित्य, आपला समाज या साऱ्यांचा अभ्यास आणि त्याविषयी संशोधन करणाऱ्या संशोधकही होत्या. १९७५ साली कराड येथे झालेल्या अखिल भारतीय मराठी साहित्यसंमेलनाच्या त्या अध्यक्ष होत्या बरं का!

आपल्या अभ्यासानिमित्तानं त्या आपल्या देशातल्या रानावनांमध्ये हिंडल्या, सर्व प्रकारच्या लोकांमध्ये मिसळल्या, त्यांच्या निरनिराळ्या भाषा त्या शिकल्या. त्याच वेळी त्या लोकांकडून, त्यांच्या समाजात परंपरेने ज्या गोष्टी सांगितल्या जात, त्या दुर्गुआजींनी ऐकल्या. आपल्या महाराष्ट्रातल्या मुलानातवंडांनी या गोष्टी ऐकाव्यात, त्यांना त्या आवडतील असं वाटल्यानं दुर्गाबाईंनी या गोष्टी लिहून संग्रहित केल्या.

आसाम, बंगाल, पंजाब, गुजरात यांसारख्या राज्यांमधील आणि संथाळ, गोंड, महारी, कुणबी, कोकणी अशा विविध समाजातल्या कथांचे संग्रह त्यांनी केले आहेत. पण त्याशिवायही बऱ्याच कथा होत्या. १९६२ साली ‘गंमत जंमत’ या मुलांसाठीच्या मासिकाचं संपादन त्यांनी केलं. त्याही वेळी त्यांनी तुमच्यासारख्या बालमित्रांना मनोरंजक वाटतील अशा गोष्टी लिहिल्या. त्यात देशा-परदेशातल्या आणि विविध भाषांमधील कथा होत्या.

Available at Ksagar Book Centre  on www. ksagaronline.com

 call on 9545567862 /02024453065