Dohkalima (डोहकाळिमा)-G.A.Kulkarni Marathi Book katha-kadambari (Novel)

Dohkalima (डोहकाळिमा)-G.A.Kulkarni Marathi Book katha-kadambari (Novel)

डोहकाळिमा

जी.ए. कुलकर्णी यांच्या निवडक कथा

संपादक: म.द. हातकणंगलेकर

जी. एं.नी काय केले आणि काय दिले? प्रथम म्हणजे त्यांनी साहित्याशी असणाऱ्या अविभाज्य निष्ठेचा आदर्श स्वतःसाठी आणि वाचकासाठी घालून दिला. ज्या काळात वाङ्मयीन अभिरुची गढूळ आणि सवंग होत चालली होती त्या काळात या आदर्शाने आश्वर्ययुक्त भीती निर्माण केली. ज्यांना ती पेलवली नाही त्यांनी तिच्याकडे सवंग तुच्छतेने अगर छटेल उपहासाने पाहिले. अन्य रंजक माध्यमांपेक्षा वाङ्‌मय ही वेगळी गोष्ट आहे, ती एकप्रकारची ध्यानधारणा आहे. काही प्रतिभावान प्राण्यांच्या बाबतीत तोच अलौकिक आनंदाचा आणि मोक्षाचा मार्ग आहे असा त्यांचा अनुभव होता. काही वाचकांपर्यत तो त्यांनी आपल्या कथासाहित्यातून पोहोचविला.

जी. एं.नी कथेचा एक समावेशक आणि मूलगामी बंध निर्माण करण्याचा प्रयत्न केला. लोककथा, बोधकथा, दृष्टांतकथा, रूपककथा, संसारकथा, मनोविश्लेषण करणारी नवकथा हे सर्व आकार आत्मसात करून आपले समद्ध रूप सिद्ध करणारी मराठी कथा त्यांनी निर्माण केली. नवकथा त्यांनी पुढे नेली का? असा प्रश्न कधी कधी विचारला जातो. या तन्हेचा घाटसापेक्ष आणि काळसापेक्ष विचार अप्रस्तुत ठरावा अशी संपन्न सार्थकता कथारूपाला देण्याचा जी. एं. चा प्रयत्न होता. कथारूपाचे त्यांचे चिंतन वेगळ्या पातळीवर चाललेले होते. कथेचा आकार म्हणजे कथेच्या आशयगर्भाचे यथार्थ आकलन आणि आविष्कार अशी त्यांची धारणा होती. त्यांच्या दृष्टीने आकार हे केवळ वाङ्‌मयीन मूल्य नव्हते; तर ते एक आध्यात्मिक मूल्य म्हणून त्यांना जाणवत असावे. जी. ए. ची कथासाधना ही जीवनार्थाची साधना होती.

Available at Ksagar Book Centre  on www. ksagaronline.com

 call on 9545567862 /02024453065