Chirantanacha Gandha (चिरंतनचा गंध)-Vilas Sarang Marathi Book katha-kadambari (Novel) Shabd

Chirantanacha Gandha (चिरंतनचा गंध)-Vilas Sarang Marathi Book katha-kadambari (Novel) Shabd

प्रास्ताविक

या संग्रहातील कथांच्या पूर्व-प्रकाशनाविषयी थोडा खुलासा आवश्यक आहे. मराठी व इंग्रजी या दोन्ही भाषांमध्ये मी लिहीत असल्याने माझ्या लेखनाचा प्रकाशन-इतिहास थोडा गुंतागुंतीचा आहे.

इ० स० २००० पर्यंत मी कथालेखन फक्त मराठीत करत असे. पण त्या आधी काही वर्ष मी सहकुटुंब परदेशात राहिलो. सह-अध्यापक ब्रिटिश वा अमेरिकन होते. त्यांच्याशी व कुटुंबाशी इंग्रजीत संभाषण, म्हणून मी जेव्हा एक कादंबरी लिहायला घेतली, ती इंग्रजीमध्ये. ‘द डायनॉसॉरशिप’ ही ३०० पानी कादंबरी लिहून माझी विचारशक्ती-कल्पनाशक्ती आत्यंतिक इंग्रजी बनली.

तेव्हा परदेशात असताना काही कथा मी सरळ इंग्रजीत लिहिल्या. त्या अशा: ‘बॅरल आणि बोबील : एक प्रेमकथा’, ‘हरवलेला दुवा’, ‘पिंजऱ्यातल्या बायका’, ‘चिरंतनाचा गंध’, ‘नारी-सिंह’.

आता पुन्हा मुंबईत स्थिरस्थावर झाल्यावर ‘एक प्रक्षिप्त जातककथा’ मी मराठीत लिहिली.

मराठी लिहिलेल्या कथा पुढीलप्रमाणे : ‘परदेशातील मृत्यू’, ‘मडकं आणि सावली’, ‘एकलव्य’, ‘ब्रह्मदेवाचं पाचवं मस्तक’, ‘एक प्रक्षिप्त जातककथा’.

‘पूर’ ही कथा खाजगी वितरणासाठी केलेल्या एका इंग्रजी लिमिटेड एडिशनमध्ये छापली गेली. या व्यतिरिक्त या कथेचं इंग्रजी वा मराठीमध्ये कुठंही प्रकाशन झालेलं नाही.

मी ‘दि विमेन इन केजीस’ (The Women in Cages) हा माझा इंग्रजी कथासंग्रह पेंग्विन बुक्स यांनी २००६ साली प्रसिद्ध केला. त्यात माझ्या पूर्वीच्या ‘Fair Tree of the Void’ (पेंग्विन बुक्स, १९९१) मधल्या कथाही समाविष्ट आहेत. ‘दि विमेन इन केजीस्’साठी पूर्वीच्या संग्रहाची नव्या त-हेने रचना केली. ‘फेअर ट्री ऑफ दि व्हॉईड’ मधल्या कथांमध्ये मी लहान-मोठे बदल केले. तेव्हा ‘दि विमेन इन केजीस्’मधल्या कथांची संहिता ही ‘डेफिनिटिव्ह’ समजायला हरकत नाही. ‘दि विमेन इन केजीस्’ या संग्रहाची रचना (व भाषिक बदल) करण्याला संपूर्ण स्वातंत्र्य दिल्याबद्दल मी पेंग्विन बुक्सचे संचालक श्री० रवी सिंग यांचा ऋणी आहे.

Available at Ksagar Book Centre  on www. ksagaronline.com

 call on 9545567862 /02024453065