Chimanravache Charhat (चिमणरावाचे च-हाट)-C.V.Joshi Marathi Book katha-kadambari (Novel)

Chimanravache Charhat (चिमणरावाचे च-हाट)-C.V.Joshi Marathi Book katha-kadambari (Novel)

प्रस्तावना

चिमणरावाचे चहाट अथवा शेकडा शंभरातील एका मनुष्याचे आत्मचरित्र असे नाव पहिल्या आवृत्तीत या पुस्तकास मी दिले होते. परंतु दुसऱ्या आवृत्तीत वैकल्पिक नाव कोणाच्या तरी नजरचुकीने गाळले गेले. ह्या वैकल्पिक नावात ह्या गोष्टी लिहिण्याचा उद्देश सूचित होत होता. चिमणराव हा कोणी बुद्धिमान किंवा तन्हेवाईक माणूस नाही. तो सामान्य मराठी पुरुषापेक्षा अधिक अजागळ किंवा भोळाही नाही. तो ध्येयवादी नसला तरी उच्छृंखलही नाही. पण पांढरपेशा कुटुंबवत्सलाप्रमाणे कुटुंबप्रेमी, मातृभक्त आणि मित्रप्रेमी आहे. शौर्याची अचाट कृत्ये करण्याची कुवत त्याला नसली तरी लहानशा क्षेत्रात साहस करून दाखविण्याची त्याची हौस जबर आहे. तो विद्वान नसला तरी प्रोफेसर हणमंतरावाच्या सहवासाने व्युत्पत्तिशास्त्रात आणि इतिहासात बुचकळ्या मारण्याची त्याला बरीच हौस आहे. तो श्रीमंत नसला तरी दरिद्रीही नाही आणि त्याचा आयुष्यक्रम नोकरी सांभाळून जमतील तितके उपद्व्याप करण्यात खर्च होत असतो.

ह्या आवृत्तीतील पहिली गोष्ट, ‘टीकाकार आणि न्हावी’ ही मी शाळेतील पोरगा होतो तेव्हा लिहिली होती. गोष्ट वाचून पाहिल्यावर ती एखाद्या हस्तलिखित बाल-मासिकातच शोभण्यासारखी आहे अशी वाचकांची खात्री होईल. परंतु चिमणरावाचा जन्म कसा झाला, हे वाचकांस कळण्यासाठी तिचा मी ह्या आवृत्तीत समावेश केला आहे. गोष्टीचा शेवट ‘न्हाव्याने मला म्हटले चिंतामणराव’ असा मजकूर मी लिहिला होता. गोष्ट जरी शाळेत विद्यार्थी असताना मी लिहिली होती, तरी ती प्रसिद्ध होण्यास विलंब लागला. मी कॉलेजात मध्यमवर्गात असता आमच्या फर्ग्युसन कॉलेज त्रैमासिकाचे संपादक प्रो. वामन गोविंदराव काळे यांच्याकडे पाठविली. त्यांनी ती प्रसिद्ध केली व प्रसिद्ध करताना चिंतामणराव या शब्दाबद्दल चिमणराव ह्या शब्दाची योजना केली. मला हा फरक इतका आवडला की पुढील हास्यकथांच्या प्रथमपुरुषी नाटकास चिमणराव हेच नाव मी कायम केले.

Available at Ksagar Book Centre  on www. ksagaronline.com

 call on 9545567862 /02024453065