Badalta Bharat (बदलता भारत)-Bhanu Kale (Marathi) (Novel) Book Katha-Kadambari

Badalta Bharat (बदलता भारत)-Bhanu Kale (Marathi) (Novel) Book Katha-Kadambari

मनोगत

कुठल्याही एकाच चित्राच्या चौकटीत संपूर्णतः सामावले जाणे अशक्य आहे. त्यामुळे भारतासारख्या अपार वैविध्य आणि विरोधाभास असलेल्या देशाचे बदलते वास्तव एखाद्या ठिकाणी भेट द्यायची व त्या ठिकाणी प्रकषनि आढळणाऱ्या बदलाच्या एखाददुसऱ्या विशिष्ट पैल्विषयी त्या लेखात लिहायचे, असे साधारण सूत्र या लेखनामागे आहे.

‘बदलता भारत’ समजून घेण्यासाठी ‘बदलते जग’ही समजून घ्यायला हवे. मार्क्स आणि डार्विन यांच्यावरील परिशिष्ट त्या दृष्टीने उपयुक्त ठरू शकेल.

हे रुद्राथनि प्रवासवर्णन नव्हे. जागतिकीकरणाच्या या जमान्यात भारतीय समाजात होत असलेल्या बऱ्या-वाईट बदलांचे हे एक प्रतिबिंब आहे. कुठल्याही ‘इझम’पासून मुक्त आणि मूलतः आशावादी अशा एका संवेदनशील मनात उमटलेले. जागतिकीकरणामुळे आज जगण्याचे संदर्भच बदलत आहेत. एस० टी० स्टँडवर विकली जाणारी कॅनडाची सफरचंदे आणि हेअररिमूव्हर खरेदी करणाऱ्या खेड्यांतल्या किशोरी, सुपरमार्केट्स आणि कॉल सेंटर्स, मोबाइल आणि मेडिटेशन म्हणजे या प्रक्रियेच्या केवळ वरवरच्या खुणा. या खुणांचा नेमका अर्थ समजून घ्यायचा एक प्रयत्न म्हणजे ‘बदलता भारत’ हे पुस्तक.

देशभर विखुरलेल्या काही व्यक्तिगत मित्रांनी अगत्यपूर्वक दिलेल्या सहकार्यामुळेच ही शोधयात्रा शक्य झाली. लेखनात त्यांचा उल्लेख ओघाने झालाच आहे. तो पुन्हा करणे त्यांना आवडणार नाही. पण त्यांच्याविषयीच्या कृतज्ञतेची इथे नोंद करावीशी वाटते.

हे लेख प्रसिद्ध होत असताना असंख्य वाचक पत्रांद्वारे, प्रत्यक्ष भेटीत आपली प्रतिक्रिया कळवत राहिले. पुस्तकाची मुद्रणप्रत करताना त्याचा उपयोग झाला. त्या सजग वाचकांचाही मी आभारी आहे.

‘अंतर्नाद’ मध्ये प्रकाशित होत असलेले हे लेखन आपल्याला आवडत असल्याचे श्री० श्री० पु० भागवत यांनी आवर्जून कळवले. त्यांची पसंती हे मोठेच प्रोत्साहन होते. त्यांचे, कुशल मुद्रितशोधनाबद्दल श्रीमती यास्मिन शेख यांचे, आणि अल्पमुदतीत केलेल्या नीटस प्रकाशनाबद्दल ‘मौज प्रकाशन गृहा’चे चालक, अन्य सहकारी व चित्रकार रविमुकुल यांचेही मनःपूर्वक आभार.

Available at Ksagar Book Centre or on www. ksagaronline.com

or call on 9545567862 /02024453065