Anawat (अनवट)-Anil Awachat Marathi Book katha-kadambari (Novel) Samakaleen

Anawat (अनवट)-Anil Awachat Marathi Book katha-kadambari (Novel) Samakaleen

लिखाणपर्व संपताना

अ निल अवचट यांचं हे ताजं पुस्तक प्रकाशित होत असताना ते आज आपल्यात नाहीत. एरवी पुस्तक प्रकाशित होण्याआधीची त्यांची उत्सुकता अनुभवण्यासारखी असे. एखाद्या लहान मुलासारखे ते पुस्तकाची वाट पाहत. पुस्तकाची पहिली प्रत पाहायला अधीर असत. चाळीस-पंचेचाळीस पुस्तकं प्रकाशित झालेली असूनही त्यांची ती उत्सुकता कमी झालेली नव्हती. या वेळी मात्र अवचटांच्या प्रकाशनपूर्व उत्सुकतेचा हा सोहळा घडणार नाही. लेखक-प्रकाशकाच्या या खेळात आज फक्त प्रकाशकच उरला आहे.

अवचट आणि समकालीन यांचं नातं लेखक-प्रकाशक असं होतं खरं, पण ते तेवढंच नव्हतं. आम्ही त्यांची मुलं होतो. मी माझ्या लहानपणापासून त्यांचा वाचक होतो. त्यांनी लिहायचं आणि आपण वाचत जायचं, असं जणू ठरलेलंच होतं. माझी आणि आमच्या पिढीची सामाजिक समज तयार होण्यात त्यांच्या लिखाणाचा वाटा मोठा होता. पुढे त्यांच्यासोबतच्या लेखक-वाचक या नात्याचा विस्तार झाला आणि लेखक-प्रकाशक असा आयाम त्याला मिळाला. त्यातून त्यांची अनेक महत्त्वाची पुस्तकं प्रकाशित झाली. ‘मुक्तांगणची गोष्ट’, ‘रिपोर्टिंगचे दिवस’, ‘आणखी काही प्रश्न’, ‘कुतूहलापोटी’ आणि ‘माझी चित्तरकथा’, ‘लाकूड कोरताना’ आणि ‘माझ्या लिखाणाची गोष्ट’ अशी आत्मपर पुस्तकंही. ही पुस्तकं प्रकाशित करत असताना त्यांच्याशी दोस्ती होत गेली. एकमेकांचा लळा लागला. मैत्रीचं नातं तयार होत गेलं. या दोस्तीच्या नात्याबद्दल नि त्यातल्या उभ्या-आडव्या धाग्यांबद्दल मी माझ्या ‘अवलिये आप्त’ या पुस्तकात सविस्तर लिहिलं आहे. त्यामुळे त्याची पुनरावृत्ती इथे करत नाही.

प्रेम आणि विश्वास हे या नात्याचे दोन आधार होते. त्यांनी काहीही लिहिलं की ते हस्तलिखित मला आणून देत. म्हणत, “हे तुझ्याकडेच सुरक्षित ठेव. हल्ली माझा गबाळेपणा फार वाढत चाललाय. मला कुठे काय ठेवलंय ते आठवत नाही.” त्याप्रमाणे त्यांचं सगळं लेखन माझ्याकडे जमा होत असे. मग दिवाळी अंकाची लगबग सुरू झाली,

Available at Ksagar Book Centre  on www. ksagaronline.com

 call on 9545567862 /02024453065