Aghal Paghal (अघळ पघळ)-P.L.Deshpande Marathi Book katha-kadambari (Novel)

Aghal Paghal (अघळ पघळ)-P.L.Deshpande Marathi Book katha-kadambari (Novel)

लेखकाचा लेखकराव झाला की, अध्यक्षस्थाने स्वीकारणे, संदेश देणे, जगातल्या कुठल्याही विषयावर मते देणे, (कुटुंबनियोजन, केशवसुतांची साकल्यविषयक कल्पना, कृष्णा-गोदावरी पाणीतंटा, ‘युगान्त’मधील महाभारतकालीन व्यक्तिरेखा इ० इ०) मार्गदर्शन करणे, सरकारी पदव्या मिळवणे, मिळाल्याबद्दल सत्कार स्वीकारणे, स्वीकारल्याबद्दल धिक्कार, धिक्काराला उत्तर दिल्याबद्दल निषेध, निषेधाला उत्तर न दिल्याबद्दल टोपणनावांनी मारलेले दगड, टोचलेल्या सुया अशी नाना त-हेची लष्टके सुरू होतात. सकाळ-दुपारची डाक फुगते. त्या डाकेत पाण्याची, विजेची बिले, टेलिफोनची बिले (लेखकरावांना टेलिफोन हवाच!), सभा-समारंभांची आमंत्रणे, भेटीदाखल कधीही न मागता येणारी नियतकालिके… (वर पुन्हा आपल्या नियतकालिकाचा फुकट्या वाचक म्हणून केलेला धिक्कार!) ह्याच्याबरोबरच वाचकांची पत्रेही असतात. इंग्रजीत असल्या पत्रांना ‘फॅन मेल’ म्हणतात. ह्या पत्रांतून स्तुतीची सुगंधी झुळूक येत असल्यामुळे त्याचा ‘फॅन’शी संबंध जोडला असावा. एरवी ही सगळीच पत्रे काही आपला दिवस सुखात घालवणारी नसतात. ‘लेखकाचा लेखकराव कसा होतो?’ ह्या विषयावर मराठीतले सुप्रसिद्ध कादंबरीकार प्राध्यापक भालचंद्र नेमाडे यांनी एक अत्यंत बोधप्रद लेख लिहिला होता. त्यात एकदा माणसाचा लेखकराव झाला की, तो कसा अप्रामाणिक होतो, हे वर्णिले होते. हा मुद्दा मला पटला होता. (उदाहरणार्थ: संदेशवाचन ही कंटाळवाणी गोष्ट आहे, हे मला ठाऊक असूनही मी संदेश पाठवतो.

Available at Ksagar Book Centre  on www. ksagaronline.com

 call on 9545567862 /02024453065