Aarta (आर्त)-Monika Gajendragadkar Marathi Book katha-kadambari (novel)

Aarta (आर्त)-Monika Gajendragadkar Marathi Book katha-kadambari (novel)

“माझ्या कथासंग्रहाचं नाव ‘आर्त’ ठेवलं तर? कसं वाटेल?” मी श्री०पु०ना विचारलं तेव्हा ते कॉलनी नर्सिंग होममध्ये विश्रांतीसाठी दाखल होते. क्षणभर विचार करून त्यांनी ट मिटले. ‘विश्वाचे आर्त माझ्या मनी प्रकाशले…’ त्यांनी कापऱ्या स्वरात हा अभंग माटला उघडले तेव्हा त्यांच्या निळ्या डोळ्यांत अश्रू दाटून आले होते. म्हणाले, “ज्ञानेश्वरांचा हा ‘ शब्द आहे. चांगलं वाटेल हे नाव. कुठपर्यंत आलंय तुझ्या कथासंग्रहाचं काम? मी असेपर्यंत येईल *?”

२१ ऑगस्ट २००७, काम संपवून निघताना श्री०पुं०चा निरोप घ्यायला मी त्यांच्या खोलीत गेले दोनच दिवसांपूर्वी हॉस्पिटलमधून ते घरी परतले होते. कॉटवर पडूनच होते, म्हणाले, “उद्या आर्त ची पुर्फ घेऊन ये. बरेच दिवस झाले तुझ्या कथा वाचून. एकेक करत पुन्हा वाचतो. आवडेल मला. आणि कामाला सुरुवातही करायला हवी.”

“आताच तर येताय घरी. विश्रांती घ्या अजून काही दिवस.” मी म्हणाल्यावर हसले. त्यांचे डोळे तसेच भरून आले होते. म्हणाले, “बरं वाटतंय आता. काळजी नको करूस. तुझे आतं वाचायचंय मला.”

त्याच दिवशीच्या संध्याकाळी श्री०पु० गेले !

माझा पहिला कथासंग्रह भूप माझ्या जन्मदात्या वडिलांना मी अर्पण केला-तो पाहायला ते नव्हते. त्यांच्यानंतर ज्यांनी मला सर्वार्थाने ‘वाढवलं’ ते श्री०पु० माझा दुसरा कथासंग्रह पाहायला उरले नाहीत…

आर्त प्रकाशित होताना श्री०पुं०ची मला फार आठवण येते…

– मोनिका गजेंद्रगडकर

Available at Ksagar Book Centre or on www. ksagaronline.com

or call on 9545567862 /02024453065