Nivadak Unique Bulletin-Tukaram Jadhav,Mahesh Shirapurkar UPSC-MPSC Marathi Unique

प्रस्तावना

चालू-समकालीन घडामोडींना भिडताना…

विद्यार्थी मित्र-मैत्रिणींनो राज्यसेवेची नवी वर्णनात्मक लेखी परीक्षा (2025 पासून) आणि यूपीएससी सनदी सेवा मुख्य परीक्षा या दोन्ही परीक्षांमध्ये चालू व समकालीन घडामोडींची तयारी महत्त्वपूर्ण ठरते. एका बाजूला सामान्य अध्ययन, काही वैकल्पिक विषय आणि निबंधाचा पेपर या तिन्ही विषयांसाठी वर्तमान घडामोडींची तयारी करणे अत्यावश्यक आहे. विशेषतः सामान्य अध्ययनातील काही विषयांसाठी तर या घडामोडी मध्यवर्ती ठरणार यात शंका नाही. म्हणूनच द युनिक अॅकॅडमी चालू-समकालीन घडामोडींवरील हे पुस्तक घेऊन येत आहे.

वस्तुतः राज्यसेवा तसेच यूपीएससी मुख्य परीक्षेची मराठी माध्यमातून तयारी करणाऱ्या विद्यार्थ्यांसाठी मागील दोन वर्षांपासून ‘बुलेटिन ऑफ युनिक अॅकॅडमी’ या मासिक अंकाच्या माध्यमातून वर्तमान घडामोडींसाठचे संदर्भ साहित्य उपलब्ध करून देत आहोत. त्या अंकातील महत्त्वपूर्ण, निवडक समकालीन घडामोडींचा समावेश करून प्रस्तुत संदर्भपुस्तक तयार केले आहे. विशषेतः विविध क्षेत्रांतील महत्त्वपूर्ण घडामोडींवरील मुखपृष्ठ कथा (कव्हर स्टोरीज्) संपादित करून समाविष्ट केलेल्या आहेत.

प्रस्तुत लेख अत्यंत सविस्तर आणि सखोलपणे चर्चिले आहेत. प्रत्येक महत्त्वपूर्ण घटनेसंबंधी तथ्य, आकडेवारी, विविध दृष्टिकोन, त्यासंबंधी तज्ज्ञ अभ्यासकांचे युक्तिवाद, न्यायालयीन निवाडे आणि पुढील दिशा व उपाय अशा विविध पैलूंसह लेखन केले आहे. एखाद्या घटनेवर कोणत्याही आयामांवर प्रश्न विचारल्यास त्याचे उत्तर लिहिता यावे अशा रीतीने या घडामोडींचा आढावा घेतलेला आहे. तथ्य-माहितीबरोबरच विश्लेषणात्मक अंगाचा जाणीवपूर्वक अंतर्भाव केलेला आहे.

विद्यार्थ्यांना सुलभ ठरावे यासाठी विषयानुसार अंकातील वर्तमान घडामोडींचे वर्गीकरण केलेले आहे. प्रत्येक लेखाची मांडणी त्या त्या विषयाच्या परिभाषेनुसार केलेली आहे. त्यामुळे आशयाबरोबरच भाषिक आयामाकडे लक्ष देऊन विविध विषयांची चर्चा दिलेली आहे. त्यामुळे प्रस्तुत अंक विद्याथ्यांच्या मुख्य परीक्षेच्या तयारीत उपयुक्त ठरेल अशी आशा वाटते.

तुकाराम जाधव

(संचालक, द युनिक अॅकॅडमी)

Available at Ksagar Book Centre or on

www. ksagaronline.com or call on 9545567862 /02024453065