Rajyaseva Planner (MPSC)-Tukaram Jadhav Uniqe

Rajyaseva Planner (MPSC)-Tukaram Jadhav Uniqe

प्रस्तावना

विद्यार्थी मित्र-मैत्रिणींनो, राज्यसेवा परीक्षेविषयीचे प्रस्तुत ‘राज्यसेवा प्लॅनर’ हे पुस्तक आपल्या हाती देताना विशेष आनंद होत आहे. वस्तुतः महाराष्ट्र लोकसेवा आयोगाने 2022 सालातच राज्यसेवा परीक्षेच्या रचना व स्वरूपात बदल स्वीकारले. तथापि, त्या बदलांची अंमलबजावणी 2025 सालापासून सुरू केली आहे. या पार्श्वभूमीवर या नव्या परीक्षेच्या तयारीसाठी उपयुक्त ठरेल अशा पायाभूत मार्गदर्शक संदर्भपुस्तकाची निर्मिती केली आहे.

राज्यसेवा नागरी सेवा (सनदी, प्रशासकीय सेवा) ही पूर्व, मुख्य व मुलाखत अशी तीन भिन्न टप्प्यांचा समावेश असणारी स्पर्धात्मक परीक्षा आहे. विविध विषय, व्यापक अभ्यासक्रम, प्रश्नांचे सतत बदलणारे स्वरूप, वर्तमान घडामोडींचा अभ्यास, मुख्य परीक्षेचे लेखी स्वरूप आणि तोंडी स्वरूपाची मुलाखत इ. वैशिष्ट्धांमुळे ही परीक्षा आव्हानात्मक स्वरूपाची ठरते. त्यामुळे या परीक्षेविषयी सर्व माहिती प्राप्त करणे ही मूलभूत पायरी ठरते.

त्यादृष्टीने प्रस्तुत ‘प्लॅनर’च्या माध्यमातून महाराष्ट्र लोकसेवा आयोग, राज्यसेवा परीक्षेसाठीची पात्रता, राज्यसेवा परीक्षेद्वारे भरली जाणारी विविध पदे या प्राथमिक माहितीपासून ते या परीक्षेची रचना स्वरूप आणि अभ्यासाचे नियोजन व पद्धती अशा महत्त्वपूर्ण अंगांची चर्चा केलेली आहे.

राज्यसेवा परीक्षेच्या तयारीतील पहिली पायरी अभ्यासक्रम समजून घेण्याची असल्याने पूर्व व मुख्य परीक्षेचा अभ्यासक्रम समाविष्ट केला आहे. तसेच या अभ्यासक्रमाचे पूर्व व मुख्य परीक्षेनिहाय पद्धतशीर वर्गीकरण करून प्रत्येक घटकाची सविस्तर चर्चा केलेली आहे.

आयोगाच्या गतवर्षीय प्रश्नपत्रिकांचे महत्त्व ओळखून त्यासंबंधी सविस्तर विवेचन केलेले आहे. पूर्व व मुख्य परीक्षा या दोन्ही टप्प्यांच्या तयारीसाठी जुन्या प्रश्नपत्रिकांचे आकलन कसे करावे याचे सखोल स्पष्टीकरण दिलेले आहे.

नव्या राज्यसेवा मुख्य परीक्षेचे स्वरूप व व्याप्ती बदलल्यामुळे नव्या अभ्यासक्रमाच्या तयारीसाठी कोणते संदर्भसाहित्य वापरावे हा कळीचा प्रश्न निर्माण झाला. म्हणूनच

Available at Ksagar Book Centre or on www. ksagaronline.com

or call on 9545567862 /02024453065