Majhya Ayushyachi Pane-Mira Chaddha-Borvankar Marathi Book katha-kadambari (Novel) (माझ्या आयुष्याची पानं)-Vishwakarma

Majhya Ayushyachi Pane-Mira Chaddha-Borvankar Marathi Book katha-kadambari (Novel) (माझ्या आयुष्याची पानं)-Vishwakarma

पुस्तकाविषयी

मी फार मोठ्या विद्वत्तेचा आव आणत नाही. मी भारतीय पोलीस सेवेच्या १९८१ सालच्या तुकडीची अधिकारी आहे. आयुष्य मी खूप जवळून पाहिलंय आणि त्यातूनच चुकत धडपडत जगणं शिकले आहे. आणि, आता माझे काही अनुभव १४ ते २५ या वयोगटातल्या तरुणींसमोर मांडायची माझी प्रबळ इच्छा आहे. यातल्या काही गोष्टी या मुलींना त्यांच्या वयाच्या या टप्प्यात नक्कीच खूप आवडतील आणि उपयुक्त ठरतील, असा मला विश्वास वाटतो. ‘आयुष्याची ही पानं’ इतरांनीही चाळली, तर आनंदच आहे; पण माझा वाचकवर्ग हा मुख्यत्वे ‘तरुण मुली आणि स्त्रिया’ हाच आहे.

माझ्या पुस्तकातलं प्रत्येक प्रकरण हे एका ‘विशिष्ट’ घटनेशी संबंधित आहे. हा प्रत्येक अनुभव म्हणजे, माझ्या जीवनरूपी वृक्षाचं एकेक पान आहे. असं असलं तरी, यामध्ये एक विशिष्ट असा क्रम नाही. उगाचच मिळमिळीत वळणाचा हेतू नसलेल्या मुक्त, प्रवाही नदीसारखं ‘मुक्त’ विचारांचं हे पुस्तक आहे. जाणीवपूर्वक छोट्या ठेवलेल्या प्रकरणांचं हे ‘खुसखुशीत’ पुस्तक आहे.

खरं सांगायचं झालं, तर मला स्वतःलाच लांबलचक, मोठी पुस्तकं वाचायला आवडत नाही आणि ही गोष्ट मला माझ्या वाचकांवरही लादायची नाही. प्रत्येक प्रकरणाच्या सुरुवातीला एक विचार मांडण्यात आला आहे. प्रकरणाच्या अखेरीस ‘आपल्याला यातून काय घडे शिकायला मिळाले आणि आपली कृती कशी असायला पाहिजे’ हे सांगितलं आहे. मांडलेले विचार आणि वर्णन केलेले प्रसंग हे आत्मस्तुतीसाठी अजिबात सांगितलेले नाहीत. उलट, नुसते विचार मांडण्यापेक्षा, त्याला समर्पक उदाहरण दिल्यावर ते जास्त लवकर समजू शकतील, या विश्वासाने मी हे लेखन केलं आहे. असं असलं, तरी गौतम बुद्धांनी म्हटल्याप्रमाणे,

“कोणत्याही गोष्टीवर विश्वास ठेवू नका. जोवर एखादी गोष्ट तुम्हाला अगदी मनापासून पटत नाही, तोवर तुम्ही कुठं वाचलंय, कोणी सांगितलंय, अगदी मी जरी सांगितलं असलं, तरी त्यामुळे काही फरक पडत नाही.”

Available at Ksagar Book Centre  on www. ksagaronline.com

 call on 9545567862 /02024453065