Je Krishnamurtichi Shikvan (जे कृष्णमूर्तीची शिकवण)-Kamlesh Soman Marathi Book katha-kadambari (Novel) Goyal

मनोगत

दोन महायुद्धाने संपूर्ण जगाला हादरून टाकणाऱ्या विसाव्या शतकातील अस्वस्थ आणि विलक्षण भयग्रस्ततेत वावरणाऱ्या जगताला-माणसाला खऱ्या अर्थान भयमुक्त करीत, सर्वाथनि मुक्ततेचा (टोटल फ्रीडम) साक्षात्कारी मार्ग दर्शवणारे जे कृष्णमूर्ती हे एक स्वयंप्रकाशी योगी होते.

सखोल, समग्र व स्वतंत्र जीवनदृष्टीसह या योग्याने प्रत्येक जीवनोत्सुक व्यक्तीशी सहज सुगम संवाद साधत जीवनातले सौंदर्य आणि चैतन्य क्षणोक्षणी अनुभवत (संपूर्ण वर्तमानात-आत्ता आणि इथे) जगावे कसे, याचे अंगुलीदर्शन केले.

कुठलीही अधिकारशाही नाही, गुरुबाजी नाही. इतकेच काय पण त्यांना मिळालेले जगद्‌गुरूपद, थिऑसफी सोसायटीची सारी बंधने-रूढी-परंपरा, शिकवण, अंगावरची सारी महानतेची वस्त्रे ही या स्वतंत्र, स्वयंप्रकाशी आणि सर्वानि मुक्त असलेल्या जे. कृष्णमूर्ती नावाच्या अनंतमयी योग्याने सहजपणे उतरवून ठेवली. नंतर त्यांनी पुन्हा कधीही मागे वळून पाहिले नाही.

जगभर फिरुन त्यांनी आपल्या व्याख्यानातून-लेखनातून लोकांशी न कंटाळता संवाद साधला, जागेपणासाठी-जाणतेपणासाठी ते नेहमीच (भ्रामक आणि धांदात खोट्या कल्पना-विचारविश्वात मश्गूल असलेल्या) लोकांना सावध करीत असत.