Navi Pidhi Navya Vata (नवी पिढी नव्या वाटा )-Dr. Prakash Amte Marathi Book katha-kadambari (Novel) Samakaleen

Navi Pidhi Navya Vata (नवी पिढी नव्या वाटा )-Dr. Prakash Amte Marathi Book katha-kadambari (Novel) Samakaleen

मनोगत

मला आणि माझी पत्नी मंदा हिला मॅगसेसे पुरस्कार मिळाला अन् अवघ्या महाराष्ट्राचं लक्ष हेमलकशातल्या आमच्या लोकबिरादरी प्रकल्पाकडे वेधलं गेलं. आम्हाला मुलाखतीसाठी आमंत्रणं येऊ लागली, भाषणांना बोलावलं जाऊ लागलं. त्यानंतर लवकरच ‘प्रकाशवाटा’ हे आमच्या कामावरचं पुस्तक प्रकाशित झालं. हेमलकशात पहिल्या तीस-पस्तीस वर्षांत आदिवासींसाठी उभ्या केलेल्या कामाच्या गोष्टी ऐकून वाचून लोक भारावून जात होते. आदिवासींच्या व्यथा समजून घेताना गहिवरत होते. तुम्ही केवढं मोठं काम उभं केलं आहे, अशी स्तुतिसुमनं आमच्यावर उधळली जाऊ लागली होती. हे सगळंच आम्हाला नवीन होतं.

खरं तर आमच्या मते आम्ही वेगळं असं काहीच केलेलं नव्हतं. बाबांनी (माझे वडील बाबा आमटे) जे काम करायचं ठरवलं ते मी माझ्या अंगावर घेतलं होतं. माझा थोरला भाऊ विकास, त्याची पत्नी भारती आणि तिथल्या सहकाऱ्यांनी आनंदवनात राहून काम केलं, तसं आम्ही हेमलकशात. जे जे सामोरं येत गेलं त्याला आम्ही भिडत गेलो एवढंच. त्यामुळे अचानक मिळू लागलेलं लोकांचं प्रेम पाहून आम्ही भांबावलो, काहीसे सुखावलोही; पण या प्रेमाचा हेमलकशातल्या कामासाठी मोठा उपयोग झाला हेही खरंच. या मुलाखतींनंतर आमच्याकडे आर्थिक मदतीचा ओघ सुरू झाला. पस्तीस वर्षं आम्ही अतिशय काटकसरीने प्रकल्प चालवला होता. आमच्या दवाखान्यातही अगदीच कमी सुविधा होत्या. अनेक उपचारांसाठी आम्हाला पेशंट्सना चंद्रपूर किंवा थेट नागपूरला पाठवावं लागायचं. आता लोकांच्या या मदतीमुळे दवाखाना सुसज्ज करता येईल अशी शक्यता तयार झाली.

Available at Ksagar Book Centre  on www. ksagaronline.com

 call on 9545567862 /02024453065