Shivkalin Dantakatha (शिवकालीन दंतकथा)-Surendra Salokhe Marathi Book katha-kadambari (Novel) Continetal

Shivkalin Dantakatha (शिवकालीन दंतकथा)-Surendra Salokhe Marathi Book katha-kadambari (Novel) Continetal

दंतकथा ह्या मनोरंजक कथा नसतात, तर त्या एका महान व्यक्तीला त्याचे अलौकिक, अनाकलनीय, अद्वितीय व्यक्तिमत्त्व उजळण्यासाठी त्याच्या जीवनाला चिकटलेल्या असतात, ‘शिवाजी महाराज’ हे असेच अलौकिक व्यक्तिमत्त्व होते, त्यांचे गुण अद्वितीय होते. रोमहर्षक होते आणि ते उजळण्यासाठी ह्या कथा त्यांना चिकटल्या.

‘हिरकणी’ ही एक निखळ दंतकथा आहे पण त्यातून महाराजांची मातृत्वाबद्दलची आत्मीयता, सूर्यास्तानंतर गडाचे दरवाजे न उघडण्याची शिस्त म्हणजेच किल्ल्याचा कडेकोट बंदोबस्त आणि संरक्षणाची सिद्धता दिसून येते. त्याचप्रमाणे ‘वाघ्या’मध्ये आईची शिकवण, पर्यावरणाची दक्षता आणि शेतकरी रयतेवर अन्याय न होऊ देण्याची न्यायप्रियता दिसून येते.

शिवाजीमहाराजांची असामान्य शौर्यता, शत्रूवर मात करण्याचे डावपेच आणि संकटातून अशक्य वाटणारी सुटका हे त्यांना देवत्व प्राप्त करून देते. परमानंदाच्या म्हणण्यानुसार ते श्रीविष्णूचा अवतार होते तर सभासद ह्यांच्या म्हणण्यानुसार महादेव, पण, महाराज हे स्वयंभू होते, महामानव होते. कोणत्याही देवाचे अवतार नव्हते. स्वतःच्या कर्तृत्वावर त्यांनी स्वराज्य स्थापन केले आणि स्वतःच्याच कर्तृत्वाने संकटांवर मात केली.

आजच्या काळातील राज्यकर्ते, तरुण, बाल, माता या सर्वांच्या दृष्टीने ‘शिवकालीन दंतकथा’ हे पुस्तक संस्कार करणारे पुस्तक आहे. शिवाजी महाराज हे एक बहुआयामी आणि देवत्व लाभलेले पुरुषोत्तम होते. अशा नरोत्तम राजाच्या गुणांचा संस्कार प्रत्येक पिढीवर व्हावा हा हेतू या पुस्तकलेखनाचा आहे.

Available at Ksagar Book Centre  on www. ksagaronline.com

 call on 9545567862 /02024453065