Kesharacha Paus – केशराचा पाऊस-Maruti Chitampalli MARATHI (NOVEL) BOOK KATHA-KADAMBARI

Kesharacha Paus – केशराचा पाऊस-Maruti Chitampalli MARATHI (NOVEL) BOOK KATHA-KADAMBARI

मनोगत

‘केशराचा पाऊस’ हा कथासंग्रह आत्मपर असला तरी ती एक शैली म्हणून अवलंब केला आहे. ‘स्मृती केसरी गंधाच्या’ ते ‘आठवण तुझी होते’ ही संलग्न प्रकरणे एकाच दीर्घ कथेची आहेत. ही प्रकरणे रोजनिशीमधून आठवणीच्या पद्धतीने लिहिली आहेत.

बहुतेक कथांची पार्श्वभूमी मेळघाटातील जंगलं आहेत. तिथल्या जंगलात मी रात्रंदिवस जिज्ञासेने फिरलोय. तेथील आदिवासी कोरकू, गोंड व निहाल तसेच गवळी यांच्यासोबत त्यांची श्रद्धा घेऊन अहोरात्र वनात भ्रमंती केली आहे. त्यांनी सांगितलेल्या लोककथा, दंतकथा आणि त्यांच्या श्रद्धा यांचा कथांत उपयोग केला आहे. अशी सामुग्री सहजासहजी कोणाच्या हाती लागत नाही.

कथांमधून जंगल, वृक्ष, लता व वेली याविषयी माझे चिंतन व मनन प्रगट केलं आहे. वृक्षदेव, वृक्षदेवता व निसर्गदेवता यांचा उल्लेख आला आहे. आता त्या केवळ कल्पना नाहीत तर वास्तव आहे. जी. हडसन यांनी मनन-चिंतनाद्वारे ‘द किंगडम ऑफ गॉड’ हा सचित्र ग्रंथ सिद्ध केला आहे. त्यात त्यांनी निसर्गातील देवदेवतांविषयी सविस्तर लिहिले आहे. हा ग्रंथ मुळातून वाचण्यासारखा आहे.

वृक्ष, वनस्पती आणि सृष्टीतील प्राणीमात्रांशी संवाद साधता येतो. या सर्वांचे

बीज आपल्या प्राचीन ग्रंथांतून आढळून येते. हेच ज्ञान पाश्चात्त्य संशोधकांनी सांगितल्यावर आपणाला खरे वाटू लागते. हे सारे संदर्भ कोठे कोठे कयांमधून येतात.

जंगलात भ्रमंती करताना तुम्ही जंगली जनावरांना भ्यालात की ते तुमच्यावर हल्ला करतात. निर्भय माणसांना त्यांच्यापासून धोका नसतो हे सूत्रदेखील लक्षात ठेवण्यासारखे आहे.

अंजनगाव (सुर्जी) येथे राहणारे माझे मित्र प्राध्यापक डॉ. मधुकर वाकोडे यांना कोराकू बोली अवगत आहे. ‘सप्तसूर’ या कथेत मी उद्धृत केलेली कोरकू गीते वाचून ह्यात त्यांनी योग्य ती दुरुस्ती केल्याबद्दल मी त्यांचा आभारी आहे.

रसिक वाचक या कथासंग्रहाचे स्वागत करतील अशी अपेक्षा.

मारुती चितमपल्ली

Available at Ksagar Book Centre or on www. ksagaronline.com

or call on 9545567862 /02024453065